بس انت ولحافك سوات المهابيل

قصيده للشاعرمقبل عيد الشمري

يـاالله ياناصرضعوفن مهازيل=خليتهـم مـع القـوي خاشريـنـي
ياشافيـاً بشفـاك نـاسـاً معالـيـل=عافيتـهـم يـاارحـم الراحميـنـي
يامن كفيـت ايوب شرالغرابيل=ياكاشـف اسرارالملـى الجاحدينـي
من غيروصلك مال عبدك مواصيل=انت الرجـى والمرتجـى والعوينـي
انادخيـلـك مابغـيـرك مداخيل=بحماك عـن درب الهـلاك تحمينـي
من رحمتك تجعل مسيـري تساهيـل=ارجيك عفـوك رافعـاً لـك يدينـي
من بعـد ذكـر المعتلـي والتهاليل=ابـا ابـدي المكتـوب للسامعينـي
مرت علي ايام فيهـا القسـى حيـل =من عرض ماضي قاسياتٍ تجينـي
وياشين تعديل الخطى بالخطى ميـل=وش عـاد لوبـه مكسبٍ للثنيـنـي
وياشين ليلك ونت في منتصف ليـل=ياصرت صاحي والملا هاجعينـي
ولاانت راجـي شوف زيـن التعاليـل=رفيقـك اللـي مـن قديـم السنينـي
بس انت والحافـك سوات المهابيـل=مخـدتـك ويــاه متجارمـيـنـي
نوبن يخيّـل لـك ونوبـن تزاويـل=تنظريسـارونـوب تنظريميـنـي
ويشـذبـك نـوبـاتٍ بالأفكار تحليل=فـي حيرةٍ مابيـن شـك ويقينـي
تصدربـه افكـاراً بعكسـه مقابيـل=بين الوهم وانغـام صدقـن تجينـي
وغديت مثل اللي تحدر بـه السيـل=مع وادين قاعه كمـا قـاع صينـي
بليـلٍ ضـلام ولاتشوفـه رجاجيـل=وانـا شبيهـه تلعـب افكـار فينـي
تواردن مع كـل صوبـن مهاضيـل=غدالهن صـدري سـوات القطينـي
جون تخالف بـه صـوات المخاليـل=وترزمن حـدب الضلـوع بحنينـي
روابعن تقضي علـى جيـّد الحيـل=وتلخبط اللي مركـزن بـه فطينـي
وابي اشرح المعنى وبعض التفاصيل=سـود الليالـي تكشـف الخايبيـنـي
غرتني الكشخه ابعـض الرجاجيـل=وانــا اولاً حسبتـهـم طيبيـنـي
اثري بلـى بعـض الاْوادم تماثيل=جسمن مجسّـم يخـدع الناضرينـي
رجلٍ بحزات الرخى خوش حلحيـل=يغريك بالمنظـر ومنطـق ثمينـي
وليا وصل معقـاد حبـل المحاحيـل=يصير في دلـوه خواضـن وطينـي
وش عاد لوتنخـاه مامـن محاصيـل=خلـه يولـي بغيبتـه كـل زيـنـي
ورجلٍ بحزات الرخى يذكـر خبيـل=مـع المـلا مـن حسبـة الغايبينـي
ماهو ردى ادخل على الله عن الميـل=لاشـك مالـه موقـفـن خابريـنـي
ماحالفـه حظـه بفتنـه مشيعـيـل=صدره وسيع ومن هكـا الصابرينـي
ماثـوره بكثـر الـدوادي طهيبيـل=ولاشـال هـم لهرجـة القايليـنـي
واليا احتشى ماعـاد للصبـر تكميـل=دافع غضب كتمـان غيضـه لعينـي
مستطرمن ماصـاغ ذهنـه لماقيـل=وضيـع مخافـه ماجنتـه اليدينـي
لوهو حضر وقت المغازي على الخيل=يظهر وعلمه بكـل صوبـن يبينـي

 

 

 

 

 

 

 

 

 

 

هلابك أبوعيد وصح لسانك مليوووون ولاهنت يالجزل
تقبل مروري وتحياتي لاعدمتك.

 

 

 

 

 

 

 

 

 

 

صححححح لسانك مليوووووووووووووووون

 

 

 

 

 

 

 

 

 

 

صح لساااااانك

 

 

 

 

 

 

 

 

 

 

ابوطارق ياهلابك الف مليون واتشرف بمرورك الجزل الكريم انا اعتبر وجود اسمك

الكريم وسام لي افتخر به يالعزوه بيض الله وجهك وكثر الله من امثالك ولانستغني

عن ارشاداتكم العدله واملاحضاتكم القيمه لتجاه اللصواب اشكركم الجميع واكررشكري

امراراً واتكراراً لكم مني صافي الضمير السليم والمحبه ولاخلاص

تحياتي لكم

 

 

 

 

 

 

 

 

 

 

متحدي اشكرك جزيل الشكربيض الله وجهك

تحياتي لك

 

 

 

 

 

 

 

 

 

 

مرورك جزل راكان ونستمتع لتشجيعك بيض الله وجهك

تقديري لشخصك النبيل

 

 

 

 

 

 

 

 

 

 

آبيآآآت غاية بالروعة صح لسانك آخي على هذه القصيدة المميزة كن بخير

 

 

 

 

 

 

 

 

 

 

العاتي

ياهلا فيك وغلا بيض الله وجهك اخوي لاهنت يالغالي

تحياتي لك وتقديري