قصيدة للشاعر
مقبل عيد فرحان الشمري
ياحلو مشياً بالصحاري والقفار=برضاً بها يدعيك زاهي خضاره
متخالطاً نبته بختري ونوار=تلقى الخزامى والنفل في مداره
وتلقى الزبيدي له من الناس دوار=ياحلو نبته بين قاره وقاره
ومناطحك لأزوال حثات الاوبار=اللي سنامه يرتكي له فقاره
يازين صوته يوم نادت على حوار=ومن الوله صوب الحنين استداره
ويازين والله بصفهاً شبة النار=ماأنت بخلاوي مع رجال النمارة
اللي معه رنجاً وشاصي وفكسار=كلن يحول عزبته من الغمارة
والكل منهم لفلح الطيب مغوار=وبقلوبهم طيب الضمير بطهاره
وتقليط بغداداً مع البن وبهار=والكل منهن وازيناً بهاره
يقلط عليهن راعي الكيف والكار=وفنجالهن يجلا العماس وكداره
صبه على اللي كاسباً طيب الاخيار=عذبن نباه ولاطفى ضو ناره
تقدير والتقدير يوزن بالاعمار=يفرض علينا كل طيب وقاره
ياحلو صفة جلسة الربع حضار=وتعللتاً ماقيل فيها قماره
وزان الحديث وبينهم صارت اشعار=كلن على حسب عرفه يجيب اختياره
هذا هوى قلبي وشفي وما اختار=يكفي عن الهرج الكثير اختصاره
عند الله المعبود تصريف الاقدار=بيديه توجيه العباد ومساره