هذه القصيده للشاعر مقبل عيد الشمري
وهي مدح ورد ثنى لبو ناصر مزعل مذود الشمري
سميت بسمـك ياعظيـم الاراده=ياالواحد اللي مابعد غيرك ايـلاه
فيك ارتضي وفيك اقتنع بالشهـاده=واطلب منك عفو الخطى باالمناجاه
ياعالمن بسر النفـوس وحصـاده=وتعلم ضغينه كاتم السـد يااخفـاه
خلقت نفس بنفس بحزن وسعـاده=واحسنت خلقاً مكتمل في مزايـاه
ولك مرجعه ماغيرسترك سنـاده=عفوك ولطفك مالغيـرك ترجـاه
ولك العبادة مـال غيـرك عبـاده=عبدك بليا رحمتك رزقـه اخطـاه
انا دخيلـك عـن دروب القـراده=تسدد خطاي ودربي اليوم تقـداه
يارب عبدك فاتحـاً لـك فـواده=فيك استغاث ورافعاً فـوق يمنـاه
تجعل لنا عندك نصيـب وسعـاده=يوماً كـلاً ينكشـف سـر بلـواه
بيوماً بهى يذهل حديـث الـولاده=في ساعةٍ مايقـدي العبـد ماطـاه
بيوم الحساب اللي عظيم ٍ سواده=احصى العمل هوخيراً اوشريلقـاه
ونارن تنادي هـل يوجـد زيـاده=للي عصـو واستنكـرو ربنـا الله
والبـاب للمديـون يقفـل سـداده=ماتقبـل التوبـه وللنـار مـثـواه
واصحاب اهل الخير يعرف بلاده=برد وسلام وجنـة الخلـد ملفـاه
ومن بعدذكرك ياالكريـم بركـاده=نبدي لطاروق البيـوت المسـاواه
ابمدح اللي لـه باالا مجـاد عـاده=اللي لياضاقـة محايلـك تنصـاه
عـز الرفيـق لياانعثربـه شـداده=سلايل اللي من على الطيب ربـاه
ابذكر اسمه مارضيـت الجحـاده=مزعل عسى مزعل سعيدٍ بدنيـاه
يشهد علي الله عظيـم الشهـاده=رجل ٍ تجمل بي فلا والله انسـاه
اقـدر المعـروف واثنـي زيـاده=واجازي الطيّب على قـد جـزواه
رجـل ٍ لياضاقـة محايلـك نـاده=مثل ابو ناصر باالملازيـم تلقـاه
ماصـد صـدات اللئيـم الرفـاده=اللي على نفسـه بخيـل ٍ بدنيـاه
جمـع المبالـغ مهنتـه والنقـاده=وان طاب له يوم ٍ تعوذ من اتـلاه
هـذاك مامـادك قريبـاً لـمـاده=تكرم ويكرم صاحب الطيب والجاه
اقدرالمعروف وثني زياده
العرض العادي
