الشاعر مانع عواد القحيص في رثاء الشيخ مدلول محمد المطلق الجربا وكأنه يناجي جبل
سنجار
يالله قبل التعزيه نبتدي فيك = الكل يفنى غير وجهك وحيلك
سنجار لاتبكي على فقد غاليك=اسكت ولايهزك مفارق عديلك
وشلون اعزي لابتي قبل اعزيك=دامت حياته فيك يسلم جميلك
مرحوم شيخ ٍ منزله في معاليك=مدلول لوتاه الدليله دليلك
أخوك الأكبر غاب والصيت يكفيك= والحيد عقب الحيد وشلون اجيلك
لكن عزانا والرجا في بناخيك =أحمد ولد مدلول يصبح مثيلك
يركي قصيرلك ويحمي ملافيك =ياقف بوجه العاصفه لاتجيلك
يمشي على درب الذي كان حاميك=من خشم راسك لين ادنى شليلك
اركيت ياسنجار اعدل مباديك = مضرب مثل كل القبايل تخيلك
اجيال بعد اجيال تروي معانيك= يعيش رافع راس من ينتخي لك
يامطلق النايف لزومن نوصيك= اتبع اثر جدك ليااسرجت خيلك
بلغ شباب المطلق وهي تباريك=أصبر على صعود الجبل شد حيلك
احذر علوم العولمه لاتلهيك=جدك دليلك وانت قدوه لجيلك
مازال جبل سنجار لوتهت يقديك=أفعال جدك بالفخر تعتزي لك
سنجار لوجار الزمن مايخليك= أنخه بأسم مدلول يشفي غليلك
هذي دلايل والدلايل تنجيك =اجمع القبيله واحتموا في قبيلك
سنجار شمر طبعها ماتخليك=هم القمر والنور ليا جاك ليلك
مدلول فخر لحاضر لك وماضيك=رمز يتجدد كل ماسال سيلك
ربيع شمر يوم فارق مفاليك = عساه بالجنات يلقى بديلك
ارجع واعيده بعد يوم اعزيك = أخوك وزنه عندنا هوعديلك
تطريه شمر كل ماحل طاريك= مرحوم ياللي في افعاله يهيلك
مرحوم يامدلول والله ينجيك=في جنة الفردوس ظله ظليلك
قصيدة الشاعر مانع عواد القحيص يرثي الشيخ مدلول محمد المطلق الجربا
العرض العادي
