؛؛مدخل؛؛
الله على...ذيك الليالي...عذبت صـدر...الـحـنـون
ألـيـا ذكـرهـا...قـاطـعه هـم الـحـيـاة...الـفـاجـعـه
كان الغلا...في وقتها...يقطع على...كل الظنون
واليوم مرت...في خياله مـيـر مـاهـي... راجعه
(هوى الروح)
ياعين لامرك هوى الروح ضـميه=حيثه على روحي ترا حيييل غالي
ويانفس لو يسفهك بالحال داريه=عادي ترا لو نشرب المر/ حالي
لاصـار قـاسـي مـاتـرده مـحانيه=أبقى معه رغـم الطواري (شمالي)
(ماني مدور) في غرامه مشاريه=وش عاد لو ضيّق لغا الترف بالي
أحيان أحس أنه يشوفن حواليه=وأحيان أحسه من غلاته ظلالي
أتبع خياله وأستمع له وأحاكيه=وأصـحـى وأردد بالخفا هـملالي
إلين حالت دون شوقه لياليه=عفت القصيد) ولاكربت الحبالي
وألا خفوقي دايم الدوم يطريه=وإليا طـرى حـلـم ٍتعـلق طرالي
أجمع حروفي وأنثره من تغليه=وأنسى بعد (هالموقف) اللي جرالي
ماودي أذكر وأنسحب من تعاليه=ولاودي أسكت وأكتم اللي مضالي
أبـيـه يـرجع فـي قراره ولا أبيه=أن ماصفا لي بالرضا مـاهـنـالـي
لكن على الله مابقى شي ٍ أخفيه=(ماودي أجبر) خافقه ويعنالي
؛؛خروج؛؛
أبـعـدت عـنـي...والـمـحـانـي...حـريــقـه
وأشـغـلـت نفسي...فيك من حر...الاشواق
شـفت الحـقـيقه...وأخـتفت...هـالـحقيقه
وأن جيت أبسلا...تطعن الجوف...بـ فراق
ماودي أجبر خافقه...ويعنالي
العرض العادي
