نفسه كريستاله و عضديه بالود

قرأت أمس بعد طول غياب أعز رسالة من أكرم مرسل !


الله من خطَ لفى به أبراهيم
رسالة من راعي الفكر والجود

اللي حروفه به دروس وتعاليم
ذكراه ترجح كل ما ذعذع النود

تاج الشموخ وسامي الخلق كالغيم
زاكي عروق طيبها كسب وجدود

كفه على العلياء مثل ماطر الديم
يا الله عساها شاهد لشيء موجود

سمو أمير"ن" فاق كل المفاهيم
نفسه كريستاله وعضديه بالود

حفيد من وحد قلوب و أقاليم
بالطيب و الكنية هو مسامي العود

له من خفى نفسي تحية وتسليم
في كل ليلة لا أسدلت جعده السود

له مرتهن كلي على جاله مقيم
مرهون له و اللي خلق عاد مع هود

ما له علي شاهد و لا به تعاميم
وهذا اعترافي من قبل حفرة الدود

قدره تعدى روس ناسَ شغاميم
باللي فعل لي مطلق السبق عبرود


ودعته اللي بأمره الكاف و الميم
اللي من الطنخة هجد ظلم وقيود


يجزاه ربي نهر كوثر وتسنيم
ويوفقه و يسهل في دربه الكود

 

 

 

 

 

 

 

 

 

 

تســــــــــلم يالشــــــلاقي وصح لســــانك والنعم بالمادح والممدووووح...تحياتي.

 

 

 

 

 

 

 

 

 

 

والله ونعم من الثنين صح الله لسانك