قصيدة الشاعره الكبيره الاميره غرنوق شمر
على قبيلة الرمال وردي المتواضع عليها
قالت
الطيب دله وسطهــــا بن وبهـــــــــار
وهذا الصحيح وفاعل الطيب يديــــره
ولا يشرب الفنجال الا هــــل الكـــــار
رمالات لا عدو اسود الجزيـــــــــره
من مثلهم بالجود وافين الاشبـــــــار
رمالات يا فخر الطنايا وعبيـــــــــره
رمالات هل العلايا صناديد وكبــــــار
رمالات هــل الاتجاز رمز السريـــره
رمالات هل الطــــــــولات افذاذ نمار
رمالات لاثار الدخن والغبـــــــــيــره
يقودهم حـــــر قصاف الاعمــــــــار
سيف الغضب غضبان عزوه عميره
مايشبهك غضبان يا كود سنجــــــار
فخر العرب غضبان شيخ العشيـــره
فيني طنا فيني شجاعه ولا انهـــــار
ولعيون شمر ثار شعري واثيــــــره
وصلو علي خير البرايا والاحــــرار
على شفيع الخلـــــــق يوم النشيره
مجاراتي قلت
الـــــــــــناس معدن باينن بين الانضــــار
مثل الأنـــــــــــاء الي يبين خريــــــــــره
الاجودي تلقـــــــــــى كرمهم لهـــم كـــار
والا الردي عمــــــــــره وحياته مريــره
هلا هلا يابنت زينـــــــــــين الاذكــــــــار
الي لهـــم بين الرجاجــــــــــيل ســـــيره
اختن لنا يــــــــــالله عسى مابـــــه انكار
لوضاقت الدنيا وبـــــــــين عسيــــــــره
نقعد لحملك نرفعـــــــــــه ناطى الاخطار
عاداتنا حامين عـــــــــرض القصيـــره
هذي قدايمنـــــــــا لهاعلم واخبـــــــــار
لنا الكبــيره مـــــــــانداني الصغــــــيره
نسل عمـــــــــيره والشريفين الاخـــيار
نجمــــــــــه ضوت وسط المجره كبيره
رمـــــــــالات من صرنا علم فوقها نار
بـــــــــانت و للـــــي يلتجاله منيـــــره
رمـــــــــالات من نجدالعذيه لسنجــــار
سيوفن لك الله بالملاقـــــى شطيـــــره
من دورمن خاوى الضبي زين الاذكار
الي سرح بالصيد واسمه عميــــــــره
ياالله عسى يابنت يحفظك الأخطــــــار
وكل الشرور وكل نفسن خطــــــــيره
بقلمي
ابو غلا الزوبعي