اقتباس:
المشاركة الأصلية كتبت بواسطة تركي الغيداني الحربي
ياللي تجونه امانه بالوضع خبروه=قولوترى الوضع متأزم سبايب جفاه
وعن مافعلبي وسواصاحبي انصحوه=خلوه يرأف بحال اللي يدوررضاه
جمرالجفا يشبه الجمر الغضى نعنبوه=عساه يرحم خفوق(ن)ولعتبه غضاه
ان كان ناسي غلانا بالغلا ذكّروه=وان كان قصده تغلي ميت(ن)من غلاه
انااشهد اني عليه اشفق من امه وابوه=اغليه وشتاقله شوق(ن)بعيد(ن)مداه
ياوجدحالي عليه اليا.هرجو واذكروه=تذبل عروقي وقلبي يشتكى من ضماه
احيان ودي يطول الهرج لا وصّفوه=من وصفهم لب عقلي في سماالشوق تاه
واحيان ودي اقول الهرج فيه اتركوه=بوجهه يجوز الكلام ولايجوزبقفاه
ماهوبقصدي اذكّرهم حديث(ن) نسوه=القصدلامن ذكرته احترق من جفاه
|
شاعرنا أبوحمـــدان تســلم وصح لســـانك ملاااييين وبيض الله وجهك...روعة وجزالة وإبداع
تقبل مروري وتحياتــي لاعــدمنا هذه الطلة وهذا الحضوووور الراقي...تم التقييـــم.