على الذكرى نعيش أيامنا الحلوه=نعيد الذاكره ووقات لا تنسى
قلوب انظاف طيب ٍ كلها نقوه=كما ابْيض شاش صافي ماهي بنجسى
وصال الود مبرومه على عروه=متين احبالها ونفوسنا مرسى
نعيش الحب نسعد به لنا حظوه=حديقه عامره واشجارها غرسى
الا ياريم يا حاكم ولك سطوه=عليك التاج ليل ٍ حالك الممسى
يبين الوجه من تحته على حذوه=تمام البدر فيه عيونه الخرسى
يشن الحرب غزوه في قفا غزوه=على قلب المتيم ما رحم يقسى
طبيعي ما يحط ألوان معْ رغوه=جمال اخلاق دربه ما مشى عكسى
نعيد الذاكره ووقاتنا منوه=على الذكرى نعيش أيامنا بيسرى
مقرن بن متعب الهرف.