يَاصَاحِب الفآس .. كَسِّر من ضلوعي .. حَطَب=وشِبـَّه .. على راس رجم(ن) .. ليلةٍ بآرده
خـَلِّه يدَفـِّي .. عناقيد العنب .. والرطب=ويفُوح همِّي عليه .. ودمعتي .. شارده
الحزن ..من جمرة ضلوعي .. بصَمْتي خَطَب=بما .. رواه الحزين ..اللي كذب مارده
خذيت .. دَوَّار كامل .. مع وجُود المطب=وحكيت جرح(ن) .. بقلبي .. باالخفى قارده
حسبي على من يصَدِّق .. ضو نجم .. القُطب=لوكان .. ضَوِّه على راس .. الجبل فارده
صحيح .. بعض الوجيه .. اليوم .. تبغى شطب=واحيان .. ودّك كذا .. تلعن أبـُو وارده
تعبت .. يانار .. شمِّيتك بضلعي عُطب=لوكنت .. في راس رجم(ن) .. ليلةٍ بارده