حسبي على وقتٍ تغير به بنود = بانت غياراته على كل الاوطان
وين الاسود اهل الوفاء واهل الجود = فريس شمر يوم عسرات الازمان
اللي صبرو على اقشر الوقت والسود = ياما شمخ مجد القبيله بالاعيان
باموالهم ضحو وبرواحهم زود = مثل العجرش يوم روغات الاذهان
يومن به الموت الحمر صار ماكود = الموت مضمون(ن) بكا اليوم وكدان
طيور شلوى صارو اوحوش وفهود = من دون شمر فعلهم باللقا بان
وامثال هايس يوم لاهد وملهود = شيخ الحميا ياختفى فلان وفلان
وامثال ضاري راح مع درب مسدود = ياما وقع من شان حائل بليهان
عاف العيال وجاء على صوت ماكود = سبع الضواري لاغشاء الجو دخان
ومثل الحدب وامثال مسلط هل الجود =وامثال مطني وشبرمٍ عقب جبهان
وابن جحفل وفهيد والعد مورود = وامثال برغش هو ويا مصيخ فرحان
وامثال زامل يوم ناشد ومنشود =ومثل غريب بالوفاء وابن عردان
وابن علي مع ابن سوقي ومسعود =وابن رخيص وشيخ الازمل ثنيان
وامثال عبدالله مع عبيد وحمود =وعبدالعزيز السبع خلفة كحيلان
ومحمد المهاد وبندر مع اسعود= ومثل طلال ومتعبن وابن حسان
وامثال شايع يوم حاوي ومردود =الامسح اللي باللقب والفعل بان
وهجهوج شيخ الطيب والفعل ماكود=وعدوان ابن طواله مع الشيخ غضبان
وكريم سبلا يوم حاسد و محسود = الشيخ ابن بقار من صلب شيخان
وابن اوتيد اللي تبين به اوكود = وابن هذيل وشيخ تيماء ابن رمان
ومثل عقاب ابن عجل وابن محمود = والفين نعمن ياذكرو عقب وجعان
وابن سعيد بان بالفعل ماكود = وابن جدي وحواس والسبع مران
ومثل عيال حمود يوم حزن حمود =يوم الصريف اللي تقطع به اوتان
وابن مزيريب (ن) هكا اليوم معدود =طير السعد ورد على الموت طنيان
وايضا المروب بعدهم صار موجود =ورد على الجمعين بشهود الاعيان
وفريس شمر مالها عد معدود =عديت موجز من مشايخ وفرسان
وشمر لها فريس وشيوخ وجنود =وزيزومها بالمجد والطيب جربان
سادات شمر يوم سيد ومسيود =تفخر بهم شمر على طول الازمان
با سبابهم ياما خذت شمر اسعود =ومن شانها ياما حضرو كل ميدان
اللي بنو مجدن تفاخر به جدود =مجدن رجح بالكون في كل ميزان
ولا يجحد المعروف ياكود مقرود =لو لا هلا الطولات ماشيف برهان
ويا جاحد المعروف وين انت موجود =اليوم اشوفك شيخ ياطير برمان
تزاعم اهل الطيب نطاحت الكود =اللي بنو مجد القبيله هلا الشان
اللي انت لو لاهم مع الناس مجحود =اليوم اطاولهم بالافعال فسقان
وقت الرخا مثلك يبين ومعدود =وياكبرت القالات يغيب ما بان
يامنكر المعروف ما بالحكي فود = مثلك على شمر مضره ونقصان
يومن كسب المال من شمخ القود =ويوم الثعل جيعان والذيب شبعان
وشمر تجيب الفود ياراحت اجرود =ياويل من هم له ضديدن وعدوان
الشاعر : عبيدالله شمقل الشمري
.gif){kind=icon}
فريس شمر وما فعلو بزمان من مجد ولكل منهم كنه ازير سالم
رد: فريس شمر وما فعلو بزمان من مجد ولكل منهم كنه ازير سالم
العرض العادي
