فك القياد

فك القياد ان كان بالحيل حيله
وخل العساكر كلهم جنبك ركود

لو الزمن مافاد اهل الكحيله
الا اخليها على راسك تجود

انا ولد شمر سنامي الغفيله
وانت الدني ومابها شي مجحود

لو انت بارض مابها غير ليله
في مهمهً قفرً عن الكل مسدود

هو كيف تفتل شاربك ياحليله
عند الرجال تقول عودً ومبرود

خل الزمن يرضيك مادام سيلة
واقف على بابك من الزود للزود

وخل النفوس اللي لمثلك عميلة
تسترزق وربك هو الحق موجود

والله دنيانا تخلي الفشيلة
ماكنها الا لقمة الخبز والجود

الناس مدري وش بلاها ثقيلة
تصبر على صهيون وتعز سعَّود

حنا انشغلنا بالخليل وخليلة ؟؟
او هي استراحة وقعة العز ونعود

او المخافه من الهي قليلة
قلت وزاد الخوف والعمر معدود

يالله لو ندعيك في كل ميلة
الا تعدلها على الحق والفود

لكننا مانعرف العز طيلة
وقت انتهت منا الخلافات للعود

وان قالوا ان المعركة مستحيلة
قلت الحكم للنذل ماهو بمحمود

وان قالوا ان الضحايا حصيلة
قلت الذعر بالحرب ماهو بموجود

لكنها صهيون في وسط عيلة
مهما تعذر كلها ايام ونسود

يالله ترحم من تخلا قبيلة
صابر على الغربة مع الحظ مقرود

 

 

 

 

 

 

 

 

 

 

صح لسانك ابن العم

والله لايهينك ويعين كل مغترب

 

 

 

 

 

 

 

 

 

 

ابيات واقعيه ورائعه
فيها الحماس والفخر والعزه
صح بوحك الراقي
وتحياتي لك وتقديري

 

 

 

 

 

 

 

 

 

 

صح لساانك . وعتلا شاانك

وبانتظار جديدك

حلاحايل وبغداد

 

 

 

 

 

 

 

 

 

 

صح لسانك بلا عدد ..

 

 

 

 

 

 

 

 

 

 

لله درك اخي الفاضل

صح لسانك وعتلا شانك

 

 

 

 

 

 

 

 

 

 

صح لسانك ياهتان ..

والنعم فيك وبشمر كلها من غير قصور بكل القبايل ..

قصيده جزله ابدعت فيها ..

تسلم يديك ..

تقبل مروري ..

دمت بود ..

 

 

 

 

 

 

 

 

 

 

صح لساااااااااااانك تلريووووووون وتقبل حضوري ولك تحياتي