قصيده للشاعر مقبل عيد الشمري
لوى عذابي كل ماهب الهوى وذعـذع النسنـاس=يتل الخافـق المغـرم هـوى الشرقـي ذعاذيعـه
ويجينن بـلاي ويرتحـل عـن العيـون انعـاس=وسامرالليـل ونجومـن تبـارق بـه لواميـعـه
لوى عنا قلبـن تعـذب وتعبـه زايـد الهوجـاس=من كل صوبن تـوارد بـه هواجيسـن لواكيعـه
يدلن بي وانتهض واقف واعيف النوم والمجـلاس=وقـول يادافـع البلـوى تفكـن مـن توابيـعـه
يدليبي يمهن هاجس ويلعب بي بينهـن وسـواس=دخلت بعثعث اوهامـن علـى المولـى تسانيعـه
وسقاني وقتي الاقشرامرارن مـن غثـاه ابكـاس=ونـا الصابرعلـى مـرن تذوقـنـا طراقيـعـه
وقول ياالله تعين اللي مثل حالـي طـواه الليـاس=تعـذب والبـلا منهوسبـب حـالـه وتضييـعـه
عذابي منك ياالغالـي ترفـق ليـه يابـن النـاس=اشعلت في ضامري نارن كفانـي منـك توليعـه
ويش انت اللي بعد ناوي تسويه وطاريـن بـراس=تـرفـق لاتعذبـنـي عـذابـك وش منافيـعـه
وناالي من حنان الحب عطيتك صادق الاحسـاس=وهجرت اللي معك وافي هجرانك وش مواضيعـه
لو انـك تذكـر اسبابـن تحـدك لزعـل لابـاس=اقـول ان الزعـل يجبراصحابـه مـن دوافيعـه
تذكرعهدنا الماضي ماهوحبـرن علـى قرطـاس=ويامـن بيننـا راحـة يصعـب رده وترجيـعـه
وجرحت الي معك وافي وتركت الجرح بين اقواس=وقفيت وجرحـك الدامـي والله مانسـا مواجيعـه