للعز يادارٍ(ن) بها يرخص الكيس=دار(ن) بها من طيب أهلها مزايا
دار(ن) سكنها مدرس الطيب تدريس=حاتم زعيم الجود مابه خفايا
هي ديرتي مربى هداد القرانيس=شمر هل النخوه كبار العطايا
طيور شلوى كاسبين النواميس=وكرام سبلا ... .. طيبين النوايا
كبار الصحون ومحرقين المحاميس=أهل البيوت ,,, , البينات الملايا
جف القلم بـ/مجلدات القراطيس=وحايل لها في كل صفحه روايا
تروي ابن بقار يوم المتاريس=وابن علي وحكم الرشيد الدهايا
وفكاك عقدات اليال المعابيس =مطلق عريب الجد شيخ الطنايا
وتروي لنا من لابة العز فريس=وساع(ن) طعونه ماتهاب المنايا
لاجاء نهار(ن) فيه دق النواقيس=صغيرهم ينطح جموع وسرايا
شمر عذاب الحرب شمر مقابيس=نار الوغى لازغرتن الصبايا
اول حميناها على الضمر العيس=يوم السيوف ويوم دبك المطايا
واليوم حامينه بعاد المراميس=حكامنا ال سعود درع وذرايا
بظل عبدالله بناخ السناعيس=ماعاد لـلأحقاد ,, فينا بقايا
الشعب واحد والوطن له تضاريس=ودون الوطن / أرواحنا له هــدايا
أخوكم /
عبدالله الجحيشي
هي ديرتي " مربى هداد القرانيس "
العرض العادي
