من قاصي الحيد الموثـق ودعـواه=بالعون (يابنـدر) عليهـم تدومـي
نظرة خوي مـع خـوي مسـاواه=ولا يرفع الهمـات كـود القرومـي
تأمر علي يامسندي وانظـر الجـاه=يامار واحـد والخـوال الفهومـي
حـي يبـي حـي يشوفـه ويلقـاه=وشوف الهمج يالله عسى مايدومـي
واما شفوف اللـي جبينـه بعلبـاه=هـذاك يامشكـاي ينهـج نهومـي
ياخاف يابندر من (الوتل) وارهـاه=ياقالت العيـن البصيـرة سهومـي
ثري الملى فيهم على الكبـد مـاذاه=اللي تحسب الوصل كتـم العلومـي
ما احاقق الطاغي ولا ابطي لرضواه=دام المنـادب يارفيقـي تهـومـي
يبطش بقول المرفل اللـي برفـواه=والداثر اللي اعلن طغـاه بولومـي
ما ارضيه بجحادات واضامن ادنـاه=السفـح قالـوا مـبـدا للغلـومـي
وياصرت لي عز وحـظ فمركـاه=طايل جهـودك عاليـات السلومـي
اغيـب واشاهـد قليـل وصـنـاه=لا شك عن غيبتك بعـد النجومـي
وماكل حـي بالوطـا نـوب تلقـاه=اقـدار دنيانـا عليـنـا لـزومـي
تبـي تداينـا الملـى مـار دنــاه=بحق الحقيق اللي عليـه التمومـي
والحال يا ابن العم ماهـي مراجـاه=ولا هي بعد على المعيـي حتومـي
يابان بيت العـز والخـال بأعـلاه=اغلا علينـا مـن كنـوز ولومـي
سواسيـة نيـة علـى مانتمـنـاه=يانـاض بيرقنـا قديـم الرسومـي
قاديه فعل وطيـب مـع طاعـة الله=بيـن الطنايـا سايـد ومعلـومـي
شمر اليا منه لفـا الجمـع بأقصـاه=اخيار قوم مـن القبايـل حشومـي
احفاد طي ولـه تماجيـد وارهـاه=بالعـدل يـوم ان العدالـة تقومـي
ياعرفت رشمه طلـع مرفـل الـذاه=وبأنحا القبايل ينوجد لـه حرومـي
واليـوم شفنـا بالمقاصيـن ركـاه=ولا هو لزوم كود يرضا اللزومـي
اللـي تخـلا عـن وليـه وملـزاه=وبالارض مرضى حق والحق يومي
اليا ارتفـع خشمـه يعـود لعلبـاه=وبدولـة الاسـلام ينسـام سومـي
خـدن النغيـل يناظـره ويتقـفـاه=واثنينهـم ماهـم علينـا جهومـي
وين المساعـي والنغـالا بقسـواه=خمس السنين اللي علينـا وهومـي
مع مثلهـن يـوم الوفـود ولقينـاه=تطويف وقت فـات يقـول نومـي
وبيض العروق اللي خلط دمهن ماه=مانجازي اللازي واللي له منومـي
والناس تذكر قول حركـت مدعـاه=لو بـاد وقتـه والـدوا للقطومـي
ووقـت تحرانـا ووقـت نتحـراه=واصحابنا الاكـرام نـاس قرومـي
مانقبـل الجلسـة ركـود مراعـاه=وسيف المنايـا للبطـال مخدومـي
ويمنـا العدالـة مانواطـن مخبـاه=سهوم الطغى ربي عليهـا يجومـي
ماتنفـع الصحبـة لداجـل ومـاذاه=واوامر المعبـود ماهـي تهومـي
خـط علـى طيـه عيـون تحـلاه=أن الاوان ويرتـهـن الحلـومـي
ولاكل من هـام العسيـرات يرقـاه=الا اللـذي لله مطـيـع ونـدومـي
ناس على دهوم المخاليـق مخبـاه=مابين ظلم وحفـل كـل معزومـي
قل احفلوا ماهـي عليكـم مـراواه=ومابين بني العـم غيـر القدومـي
وسر خلقه الله بصير علـى افشـاه=لاشـك مديـان المدايـن عدومـي
بحرفين ساوينا النصوص ونظمنـاه=والقـوم مديانـه مراكـد وقومـي
ومعناه معنى مـن تمعـن بمعنـاه=على مثـل بالروحتيـن الكلومـي
وسلام للمولى ننصـه مـع اتـلاه=الواحـد الخـلاق رب القسـومـي
(( من المجلاس ))
العرض العادي
