في سلة الاحزان برمي همومي=وابفتح ابواب الامل والسعاده
خلاص يادنيا كستها الغمومي=سجلت موقف واعتراض وشهاده
موقف من افعال الرجال الرخومي=حيث ان ممشاهم على السوء عاده
معهم تضيع المرجله والعزومي=وتعيش في دنيا كستها البلاده
وقت الرخى تقول ذولا قرومي=كلن تقول اليوم يملك سياده
وقت الشدايد ماقضوا باللزومي=عزومهم تضيع وقت الجلاده
هذي معالمهم رجال سقومي=ان ماحصل نقص فلا به زياده
اشيم عن سلم مهو من سلومي=وارقى وانا شامخ بعالي الرياده
اقولها وانا بحقي جزومي=ماهاب من شر النفوس وكساده
طبع ورثته من جدودي وقومي=حيث ان لهم بالمجد علم واشاده
لي لابة وقت اللقاء والحتومي=بالسيف والشلفا وكامل عتاده
اهل البويضا معتلين النجومي=ربعي انا الغشام للمجد ساده
من عهد ابو خزيم وحنا زحومي=بفعل المراجل كاسبين القياده
ليا عهد اخو فريجه نديم القرومي=يشهد لنا التاريخ بصدق وحياده
وانا من الكامل صويبه سهومي=مجد/ وتاريخ/ وعز /ورياده
شمر هلي جعل الفخر به يدومي=عز وشموخ ورفعة الراس عاده
ربعي انا الغشام
فديتكم يابنات المنتدى ماراح انساكم دعواتكم لي الله يستر عليكم فمان الله يالغاليات يمكن اجي زياره للمنتدى باااااااااااااااااااااااااااي
العرض العادي
