أحببت أن أختار لكم مقتطفات من قصائد الشاعر : خضير الصعيليك والشاعر :محمد العوني رحمهما الله جميعا ً
من قصائد خضير الصعيليك
سبـحـان مــن يفـعـل وهــو ربـــي الـعـلـى=عـجــل الـفــرج للـعـيـن بـإغـضـاة مــوقــه
عـالــم دبـيــب الـــذر فـــي لـيـلـة الـدجــى=عــالـــم خـفــيّــه مــــــا تـحـتــهــا وفـــوقـــه
بــــأمــــره وتــــدبــــاره وعـــــــــزّه وولـــيـــتـــه=مــع أبــرك السـاعـات مــا أحـلـى وفـوقـه
اللي صخر من باب صنعاء إلى الجبل=لـلـشــام يـمـشــي خـتـمـنــا مـــــا يـعــوقــه
بــســعـــود زيـــــــزوم الـطــنــايــا مــحــمـــد=ربــــي نــــوى لــــه رحــمــة مــــن وفــوقــه
مـــزن ٍ نـشــى يـرعــد وقـطّــنٍ مخـايـلـه=وقّـــــع لـــــه الأولــــــى تـــدانـــى لــحــوقــه
بــروقـــه الـقـصـديــر ورعــــــوده الــــــدواء=والــهــنــد والــجــوهــر مـــلاعـــج بـــروقـــه
هــلّـــت وهـــلّـــت واسـتـهــلّــت وهـلـهــلــت=وهـلّــت عـلــى حـمــر الطـيـاقـي حـقـوقــه
وصبّت وأصابت واستصبّت وصبصبـت=وصـبّــت علـيـهـم مـــن دحـاريــج مــوقــه
وسـقـنــا وسـاوقـنــا وسـيــقــوا وســاوقـــوا=مـن ضــرب مـدنـاة القـنـاء مــن عـروقـه
ورجــنـــا وروّجـــنـــا وراجــــــوا وروّجــــــوا=وجـاهــم مــــن الـغـربــي ريــــاحٍ تـسـوقــه
وأقـــفــــوا وقـــفّــــوا واقــتــفــاهــم مــحـــمـــد=فـهــد الـــزراج إلـــى عـثــى بــــي فــروقــه
حلـف بهـم بالسيـف قلبـه مـن الغضـب=مــنــاكـــب الــهــنـــدي قــلـــيـــل عــتـــوقـــه
حــمــيــر هـــكــــر وبـالــمــعــاذر مـغــفّــلــة=تــــدانــــت وقــــــــراد عــــســـــوا يـــســـوقـــه
جـوكـم كـــرام الـضـيـف صـلّــوا وسـبّـحـوا=يـــا مضـيّـعـة للـضـيـف واجـــب حـقـوقـه
سقـاكـم عـقـب السـكِّـري حنـظـل الـشـرى=مــــا تــــف فــــي كــفّــه وســـــاع فـتــوقــه
وأنــا أذكـــر الله والـصــلاة عـلــى الـنـبـي=اعــــداد مــــا غــابــت ويـطــلــع شــروقـــه
مزن نشا من ريبته وارتهابه=من ريبته كل القبايل مريبين
مخايل شرب الحمر من سحابه=كمعن من الصافي على مشرب زين
البرق يلعج والرعد في ضبابه=هلت على ابن حميد هو والشيابين
حقت ولا بقت مطرها صبابه=على مغاتير الشيوخ القديمين
ماقلتهابك يابن مقرن سبابه=هذي تدابير الولي فيه راضين
يومن ذاري هبوبك ذرابه=وانتم لكم كل القبايل مطيعين
ويوم الولي سكر هبوبك وعابه=الله حريبه مهزل يامساكين
سبحان رافع بابه فوق بابه=وهكع بكم ياللي بالإدراج عالين
نجد من المولى قضبنا نصابه=لمحمد وحمود مآبه تضانين
محمد بضرب السيف ماينحكابه=عليه ابازيد يلحن تلاحين
محمد خذا صيوانكم وارتكابه=مثل الفهد صكوا عليه الغلامين
صكوا بضاري الهيش حامي القرابه=لباسة الجوخ الحمر والتوامين
وبيضن شكن حمر اللهب سد بابه=يلاعبهن الشطرنج وسط الدواوين
من مال شيخن مايدور البقابه=حطاط غال الزاد وسط المواعين
له هدتن خيل المعادي تهابه=تلقى به الطوعات مثل الحراذين
تقدمت غلبا سوات الذيابه=شمر هل العادات ماهم ذليلين
الضاري الضرغام وان عض نابه=مدمي المخالب من ثناد المعادين
ماله مثيل من عصور الصحابه=ولا بالبرد ويل ولا بجيل المتلين
ولابادهرسي يوم تلفي ركابه=وآهل الكهف واللي بالإلحاد غافين
ولالي بنا بيت الشعر من طنابه=ولالي بنا بيت ألمعزه هل الطين
وآخوه أبو ماجد على كل جابه=قوك ياشيخ الصخا منقع اللين
بجاه الولي ومحمد والصحابه=وآهل الكهف واللي بيته ملبين
وبجاه من له طلبة مستجابه=ربي هو العلام عدل الموازين
في ستة أيام حصاها حسابه=متكونن وآمره على الكاف ماعين
من مطلع البيضا لغربي مغابه=تغاب ماتطلع على مثلكم شين
شيخة قصيد المدح إلى وقتنا الحـــالي قصيده بالشيخ عبدالكريم الجرباء إلى الان الافضل على الاطلاق في المدح ولا تضاهيها اي قصيدهً حتى الأن
يا شيخ أنا جيتك على الفطّـر الشيـب=قـزّان مـن دار المحبـيـن دبّــاب
دبـا علـيّ ودبّ مـنـي بتقـريـب=قل المواشي يا ذرا كـل مـن هـاب
مـن دارنـا جينـا لـدارك مغاريـب=يمّـوم نجـمِ لا تغـيّـر ولا غــاب
متخيرك يـا منقـع الجـود والطيـب=لا خيّـب الله للأجـاويـد طــلاّب
سلام مـن قلـبٍ محـبٍ بـلا ريـب=له يستتبّ الشاب ويشـبّ مـن شـاب
يالجوهر الناريـز يالعطـر يالطيـب=يالصعل يالصهّال يا حصان الأطـلاب
يالزيـر يالزحّـار يالنمـر يالـذيـب=يالّليـث ياللاّيـوث يالشبـل يالـداّب
يالضاري الضرغام عطب المضاريب=يالفرز يا مفـراس ضـده والأجنـاب
يالنّـادر الهيلـع عقـاب المراقـيـب=يـا نافـلٍ جيلـه بعيديـن وأقــراب
نطّاح طابـور العساكـر إليـا هيـب=ستر العذارى لا غشى الزمل ضبضاب
عيبك إلى من قالو الناس بـك عيـب=بالسيـف لأقـاب المناعيـر قصّـاب
وعيبك إلى من قالوا الناس بك عيـب=للسمن فوق مفطّـح الحِيـل صبّـاب
وذبح الغنم والكوم حـرش العراقيـب=وِإعطى المهار وبذل مالٍ بلا حسـاب
وبك شارةٍ كـب الفـراد المحاديـب=وبـذل الطعـام وللتنافيـل كـسّـاب
ونمـرا تجـرّه للعـدا والأجانـيـب=تفجا بهـا غـرّات ضـدك بالأسبـاب
ومن عقب ذا بالعون ما بك عذاريـب=أحلى من السكّر علـى كبـد شـرّاب
جيناك فوق الهجن شيـب المحاقيـب=لمشاهدك يا شـوق وضّـاح الأنيـاب
الحرّ يضـرب بالكفـوف المعاطيـب=والتّبع قناصه من الصيـد مـا جـاب
وأنت الـذي تافـي بكـل المواجيـب=كنك هديـب الشـام بالحمِـل عتّـاب
تثني لأبو صلفيـق مـا بـه تكاذيـب=شيخ السخا معطي طويلات الأرقـاب
يا ما عطيت اللـي يجونـك طلاليـب=كم واحد جاء لك من الوقت منصـاب
وفرجت همّه فـي كبـار المواهيـب=من عيلمٍ يزمي كمـا يزمـي الـزّاب
عز الله إنـك طيـب وتفعـل الطيـب=والطيب يجنى منك يا زاك الأنسـاب
ولا هو كثيرٍ يـا مهـدي الأصاعيـب=أفعالكـم يعـدّة اللـي بـالأصـلاب
البارحـه يـا شعيـل يـا حيـل أبــا الحـيـل=والـعـيــن عــــن نـــــوم الـمـخـالـيـق فـــــرّه
لا هـمـلــجــت لـــكـــن فــيــهــا سـمـالــيــل=وإلا الــنــويــفـــج لايــــعـــــه عــــقـــــب ذره
من الهجس والهاجوس والعدل والميـل=وقـــــالات مــالـــي بـــــه بـلـتـنــي بـــشـــره
لا جـــن نـجــوم الـلـيـل مــثــل الـقـنـاديـل=وأكـهــف عـلــى الـمـيـزان نـجــم الـمـجــره
غــديــت مــثــل مـــــدوه الــرجـــم بـالـلـيــل=دلــــيـــــل قـــــــــوم ضــيــعــتـــه الـــمـــغــــره
ولا ضاق صدري قمت أحوف المعاميل=وكـيــس الشـقـيـري فـاتـحـيـن ٍ مــصــره
ودنـيــت مـحـمـاس وكــفــي خــــذا مــيــل=بــريـــة مـــــن ســـــوق صـنــعــاء مـــقـــره
يـــا مـــا حـــلا صـبــه بــربــط الفـنـاجـيـل=دولابـــــــــةٍ كـــــنـــــك بـــســـلــــك تـــــجـــــره
وشــربــت مــــن بــكــره ثــلاثــة فـنـاجـيـل=وخــذيــت مــــن زيــــن الـغـلاويــن جـــــره
مــزيــت مــــا يــكــوي قــلــوب الـمـغـالـيـل=لـــو إن شــربــه مــــا ذكــــر بــــه مــســره
أحــــد عــشــاه الــبــر ومـفـطــح الـحــيــل=وأحــــد عـصــيــده يـلــعــط الـكــبــد حـــــره
وأحــــد يــلاعـــب لابــســـات الـخـلاخـيــل=وأحـــــدٍ عــجـــوز ذاق مـنــهــا الـمــضــره
يالله تـعـدلـهــا عـــــن الـضــلــع والـمــيــل=ولا تـمـيـلــهــا عـــلــــى الــــنــــاس مــــــــره
قصـــائد العـــوني
وقصائد العوني كثيره ويوجد بين يدي كتاب خاص بقصائده للمؤلف / عبدالله الخالد الحاتم
وفيه الكثير من قصائده التي قيلت في شمر والرشيد وحائل وغيرهم .. فيها المدح وفيها العتاب وفيها التحريض وفيها النخوه سأوردها كلها ان شاء الله في وقت لاحق اما الأن فسأختار بعض قصائده
مضى الليل وانحن النجوم وقام=وضو الصبح يجلي عن سناه ظلام
وانا ساهرن مالاجت العين بالكرى=أدير قالات ٍ وهن عظام
وأقالب القالات وانخى رفاقتي=بعادٍ يردون الحريم حيام
وهم سيفي القاطع إلى زامت العدا=وهم لكل النايبات احزام
نخيتهم والضد بيني وبينهم=وتمنيت لوهم يسمعون كلام
وتمنيت لو شافوا خيول تذودنا=وترد باطراف البلاد اجهام
وتمنيت لو شافوا خيولٍ تذودنا=وترد باطراف البلاد اجهام
مناديب انا انخاكم تردون ماجرى= على كنس بترا الفخوذ همام
عوص رعن الحلجتين ورودهن=إلى ماغدن مثل الفحول حسام
هن منوة المنيوب هن غاية المنى=هيم دعاهن للهجيج هيام
شدوا عليهن يالعوادي وبالكم=تنامون وانا ماهتني بمنام
سيروا كفاكم شر مابان واختفى=على هرب خمص البطون احيام
شاشن من صيحات علوا وساقمن=عن الشرب والمرعى قزن اعدام
واركبتكم من فوقها عقب جفلها=تردون لطيار الشعاف سلام
تعدون ماشفتوا وشافت عيونكم=وتبدون بالهرج المصيب شمام
تقولون ينخاكم من الظيم شيخكم=غلامين ماعقب الصياح مقام
تنخاكم السمراء وعكاش والحمى=واجا وجلديه ترد ملام
وسلمى تنادي وييين الاسلم بصوتها=واغدت قلوب السامعين حطام
تصيح وين برغش تحسبه حاظر=عزاه ماتدري عليه هدام
تمنيت لو الموت قزا قبل ذا=ولاشفت بين الهضبتين اخيام
ياليت عينن للسناعيس وايقت=تنظر ذرا السمراء عليه قتام
وتشوف لها يومن بعكاش ضدنا=غشى الخزيمي من وراه زحام
غلبا بني عمي وركني وعدتي=غلبا إلى شط الحريب اوزام
غلبا ترى كل شيء يباع ويشترى=سوى العز بيـعه بالسحوت حرام
ترى كل ماحاش الفتى رد للفتى=سوى الطيب يبقى للرجال دوام
تمـتـدح بنت الأصـيل إلى جذت=عن عادت امهاته تصير اقدام
لاتنتفع بأصل أمها هي وأبوها=إلى عاد ماتكسي الحريب قتام
غلبا بكيت وصاحت الدار عقبكم=نخيتكم وانتم بعاد مرام
العفو ياما دونكم من زراجه=ومن سهلة ٍ يبنى وراه عدام
يقولون لي خفراتكم وين دارهم=ودموعهن فوق الخدود نظام
يصيحن وين شمر دلالنـا=وباقدامهن عقب التراف لكام
غلامين كيف أسهر وتنام عيونكم=وأمسي بهم وتقبلون طعام
العين عن طيب الكرى وش ذعرهـا=كل العرب نوما وانـا تقـل سـاري
سايلتهـا وش بينهـا وش خبـرهـا=كنّـي بسـد العـيـن مـانـي داري
وقالت على كبـدي لهيـب سعرهـا=لكـن تشظاهـا حــدود المـبـاري
وعذرتهـا والله بسـهـره عـذرهـا=قلت اسهـري مابـه علينـا مـزاري
وتفكري وش بالدهـر مـن عبرهـا=وتعجبـي ممـا جـرى بالجـواري
شوفي جماش الرمل تضرب حجرها=تستاعظـيـن وتالفـيـن النـكـاري
وهاك السباع اللي تجنـب خطرهـا=دلّـت تصيدهـا الحـدى والحبـاري
وقامت سلوب القاع تسلـب شهرهـا=وتبدلت ذيـك الحصانـي ضـواري
والديك شاش وقـام ينفـش شعرهـا=شـره يهدونـه لصيـد الحـبـاري
والله لـولا ساعـه مــن دهـرهـا=اشوف به زيـزوم (غلبـا) وامـاري
لاحب شوف العيـن يذهـب نظرهـا=واجوز من كثر الغثـى والطـواري
لاشـك لاشفتـه صفالـي كـدرهـا=وبديت اوسـط بيـن بايـع وشـاري
ويبرد على كبـدي لهيـب صهرهـا=لاشفت حس المسرجـه والمعـاري
لي هقوه به بالعجـل مـن خطرهـا=هذاي اطالـع لـه بوجهـه امـاري
شيـخ تعلـى بالعـلا و اختصرهـا=بذوذ الجموع و بـوج داج الغـداري
بنمـر مخابيـط المـوازر مطرهـا=تسفح سحاب الموت سفح السـواري
عيّنت ابو تركي طمـا فـي بحرهـا=بجراب شاله سيلهـا بالمجـاري
خلاّّ هـل العوجـا تسلـب شهرهـا=وخلى السعـد واقفـى بليـا مبـاري
وان كان هالمرّه سلـم مـن خطرهـا=لابـد مـن يـوم نصيـده جهـاري
بسعود أخـو نـورة معفـي ديرهـا=حر ضـرى كفّـه بخبـط العتـاري
شبل يسن العشر مـا احـدٍ عشرهـا=تخامرت عنّـه السبـاع الضـواري
تزبنـت عقـبـان نـجـد وعـرهـا=تلابـدت عـن واحـد مـا يـداري
اوّل مقانيصـه يــوّرخ شهـرهـا=خـلاّ ضنـا وايـل وسلقـا وقـاري
والثانيـه عنـد الصويطـي خبرهـا=ماقلت قـول غيـر ماكـان جـاري
ولا يعـدّد جـود مرخـص حمرهـا=مايضبطـه كـود القلـم بيـد قـاري
بحر الندى ظلم المـلا هـو سفرهـا=هو معصم اللقوات نمـر الضـواري
هو خزنة المحتاج لا كبـى دهرهـا=مضيفـه ..ماحـط دونـه مجـاري
من عضتـه سـود الليالـي ذكرهـا=ذخر المخيف و ذخر جايع و عـاري
إن كبرت البلـوى و جنّـب نحرهـا=و ضاقت على المخلوق من كل طاري
و شب ضوي الحرب و انهى سفرها=و تزبنت عنـه النجـوع المـذاري
و نصاه بجموع اليـا مـن زجرهـا=لا كنّ به حـسّ الرعـد بالسـواري
و صكه بعزم ليـن تعطـي ظهرهـا=و باسه براسه مـا يهـاب المسـاري
ونفسه تهـاب العـار كنّـه خطرهـا=وكفّه يهـل الجـود هـل الـذواري
هو خزنتي و إن عاد عينـي سهرهـا=اللـي لهامـات الصناديـد فــاري
الليث أبـو بنـدر مطفـي شررهـا=براي و سيف و الصخا لـه مبـاري
لولاه هو والشيخ من لي من بشرهـا=خليتهـا تهـذل يـمـوم المـبـاري
و الله ما برد ساعـة عـن ظهرهـا=مالي حذاهـم عنـد شمـر شهـاري
تمت و صلوا عد مـا اورق شجرهـا=علـى نبـي الخيـر عـد الـذواري
راكب فوق حر يذعره ظله=مثل طير كفخ من كف قضابه
ماحلا فزته والخرج زاه(ن) له=والميارك على متنه ثنى به
من(سكاكا) ترحل واترك الذله=واحذر الهاجوس بالك تهنى به
سر لشمر وخبر لابتي كله=لابتي بالملاقا حي من لابه
قل لوادي وابو عافت بعد قله=يانهار على الجوبه تحلا به
الدخن فوقنا كن الدجى ظله=والرويلي وابن شعلان واقرابه
دريوا ان قليل وادركوا خله=وارتكينا بعون الله وحجابه
مانعرف الضحى من كثر خلق الله=وين شمر هل العادات والجابه
وين مطني وعباس وربع له=ويّها كربة لو ان لها لابه
وين هباس وبرجس هم وربع له=وين عبده الى ماحل ضبضابه
وانخ راعي المليحا لا تساهل له=وانخ شمر وعط الصوت يدرى به
وانخ فهران اخو رفعه ورمح له=الا التقى بالملاقا كف قضابه
وانخ ضاري والاسلم قل تجي كله=واخو صلفه الى ماانه كلخ نابه
وانخ اخو شاهه المنصور وافطن له=وانخ مطلق مع التومان بالجابه
وانخ سنجر وقاسم ساتر الخله=وانخ غضبان ابو علوش واقرابه
وانخ عدوان ابو ممدوح وربع له=يرفع الصوت للفلجان بالجابه
وانخ فهاد وبايق هم وربع له=وانخ شيبان شمر وانخ اشبابه
وانخ مياح واهل الدين والمله=وانخ الاخوان عز الدين واحجابه
الاعــمــار ســفــن والـلـيـالـي بــحـــار=والاقــــدار تــجــري والـغـبــاب اغــــزار
ولـو هــب لـــه ولـــم ســــارت سـلـيـمـه=صــيــور مــرجــوع العمار دمـــــار
الـهــي مـــلاذي مـسـنـدي وانـــت فـزعـتـي=لاعــــاد واحــــد والـخــصــوم اكــثـــار
وانــا فــي حـمـاك وحــدر ظـلــك وجـيـرتـك=وتـبـريـت مـــن غـيــرك وكــــل جــــوار
فـوضـت انــا امــري لــك بحـيـلـي وحيـلـتـي=وحــاشــاك جــــار فـــــي ذراك يـــــذار
ونويـت انـا ابـعـد بـعـد اتكـالـي علـى الـولـي=عــــداد مــاشـــاف الـنـظـيــر وصـــــار
واقــــول لـلـركــب العـقـيـلـي تـرحــلــوا=عـلــى اكـــوار وسـعــات الـجـبـاه حــــرار
جــلايـــل فـــــج الـنـحـــور عــلاكـــم=عــلــى اول جــلــس مـابـهــن اعــشـــار
حـيــل تـبــاري بالمـسـيـر الـــي ادلــجــن=مــشـــن مـــــن دار وجـــــن ديـــــار
لابــاس لــو رضـتــوا لـنــا قـــدر مـاطــرا=مـايـوجــبــن الـسـاعـتـيــن احـــيــــار
الــي قـضـي يــا ركـــب شـانــي وشـانـكـم=هـمــوا هــمــام مــــا تــــلاه احــــوار
لا حــركــوهــن بـالـمــســر ولـجـلــجــن=يــشـدن شــــادوف حـــــداه اعــصـــار
اركبتـهـن مـــن نـقــره الـجــوف واشـمـلـن=كـمــا جـــول ربــــد صـابـهــن اذيــــار
وعـقــب خـمــس لـيــلات يـلـفـن قـبـيـلـه=لـهــم بـالـثـنـا عــلــم ابــعــد وكــــار
يـلـفـن لـبــن شـعــلان نـــواف شـيـخـهـم=يـقـولـون لـــه عــلــم ايــعــد اجــهــار
يـقـولـون هـــو مـالــه شـبـيــه مـقـاتــل=يـاكــود مــــا يـكـتــب عـلـيــه دمــــار
ونخـبـرك فــي عـشـر لـيــلات جـــرن لـنــا=شـفـنــا بــهـــن بـالـنـاضـريـن كــبـــار
وهـمـيــت بــامــر مـايـهـمــه غــيـــرك=وبـغـيــت تـقـنــص بـالـدجــاج حـــــرار
وجـبــت الــعــوازم والــشــرارات هـتـمــه=وابـوتـايــه يــرثــع بـغـبـيــر هــجـــار
وحـاشـي ولـــي الـعــرش يـخـلـف عـوايــده=يـركــب عـلــي ســـرج الـحـصـان حـمــار
تـكـابــرت مـنـزلـكـم عـلـيـنـا وعـقـلـكــم=تحسـبـونـنـا حــظــر حــمـــا احــظـــار
وحـنــا نـــدور الـنــاس مـاهــي تــدورنــا=لاشــــك ذي ثـــــارت بـغــيــر اعــيـــار
جـونــا منـاجـيـب مـــن الـجــوف قـولـهــم=مــاعــاد بـالـجـوبـه يــســـوج وســـــار
وجـيـنــا ثـلاثـمـيــه ذلـــــول نـحـثـهــا=نـبــغــي نــعـــدل مــايـــل وايــســـار
لـمــا وردنـــا الـحــزل جــانــا ركــايــب=يـقـولـون كـــل الــلــي ايــقــال بــــوار
يـقـولـون بـــن شـعــلان بـالـجـوف نـــازل=ومـنـهـو لـكــم قــبــل صــديــق وبــــار
وابــــن مـويـشـيـر تـبــيــن بـقـولـكــم =وثــــارت عـلـيــه الـديـرتـيــن وحـــــار
يـنـخــاك يــازبــن الـمـخـيـف ودونـــــه=نـــار يـشـطـر عــــن ســنــاه شــــرار
وأشـرنــا بـربــع الـــراس والـحــاق قــــوه=تــــودع بـوالــيــد الـحــديــد اكــســـار
وشـلــع طـيــر شـلــوي ماتـسـمـع لقـولـنـا=يــقــول مـا دون الـرفــيــق اعـــــذار
وعـيـب عـلـي مـثـلـي الـيــا هـــد ينـثـنـي=الا شـــاف نـيــران الـحـريـب اكــبــار
انــا صـلـب عـبـدالله وانـــا شـبـلـه الـــذي=بـــنـــي لـلـمـعـالــي فــــــوق داره دار
وهــــي لـجــدانــي تــعـــدد بـقـولـهــم=نــدخــل ولا نـنـشــد عـــــن الـمـعـبــار
وصـفـق مـثـل غــواص هــوي وسط غـبــه=وشـفـتــوا بــنــا يالـطـيـبـيـن عـــــوار
وكـثـروا هــل الخـونـات مــع كـثــر قـومـكـم=ورمــتــوا أمــــور مــاتـــرام اعــســـار
وزود طـمـعـكـم قـلـنــا قــبـــل فـعـلـنــا=وحــنــا بـصـكــات الــلـــزوم اكــثـــاار
وجـيـتــوا اجــمــوع صـايـلـيـن تـبـونـنــا=وهـقـواتـكـم قــبــل الــزحـــام اقــمـــار
ولــمــا سـمـعـتـوا غـلامــيــن قـومــنــا=تــنــادي بــصــوت لـلـحـريـب اذعـــــار
ووردوا شفـقـيـن عــلــي الــمــوت كـنـهــم=وورد تــعــايــل مـاعـلــيــه احـــيــــار
تـنـاخـوا صـبـيــان الـجـبــل دون شـيـخـهـم =الـــي صـــك كــــلاب الـحـديــد وجــــار
ولــمــا صــدرتــوا تـطـلـبـون بـيـوتـكــم =والــمــوت بـاتـلاكــم يــخـــم اخــيـــار
شفـتـوا وعـفـتـوا رايـكــم عـقــب مـاجــرى=تـقـولــون نـرويـهــم بــطـــول مـــــدار
مـسـاكـيـن مــايــدرون مـنـهــو قبـيـلـهـم=الـــى شـــب لـلـحـرب الـضــروس سـعــار
مـادريــوا انـــه شـالـهـم مــــن تـرابـهــم=وهــــم مــــادروا وش بـالـزمــان يــــدار
ابــــرم عـلـيـهــم حـيــلــه ضـيـغـمـيـه=بـعـقــل وتـدبــيــر وســـــداد وســـــار
اضـــرم لـهــم نـــار حــاظــي شــرارهــا=ايـضــا بــعــد عـقـبــه قــفــاه بــنــار
ارســـل لـحــر نــــادر مــــن مـجـاذبــه=ابـنــه الــــي قــــام الـخـصـيـم وثــــار
وســعــود حــمــال الاثــقــال ابـومـشـعـل=عـلــي ردتـــاه ســـج اركــــاب وســــار
لـمــا لــفــي بــــه عــــزوه شـمـريــه=شـمــر الـــي قــــب الـعـجــاج وثــــار
ومـن حيـن جـاهـم صــاح بالـصـوت بينـهـم =وبـكــي عـبــره مـنـهــا بــكــن اعــبــار
بـكــي وقـــال الـشـيـخ يـنـخــا جـمـيعـكـم=وبـنــي عـمـنـا مــــن تـرقـبــون اخــيــار
بـكــي عـبــره مـنـهـا جـــرن ادمـوعـهــم=ومـنــا غـــداد مـــع الـجـلــوس انــثــار
شـمـر الــي مــن الـعــرب عـــدت الـعــرب=تـــري دونـهــم كـــل الـعـلــوم اصــغــار
لــهــم بـالـعــلا والـمـعـضــلات قــدايـــم=الـــي قـــل جــــم الـمـوجـبـات وغــــار
ومـــن دارقـحـطـان ومـــن قـبــل تـبــع=لــهــم بـالـعــلا وبـالـطـايــلات مــنـــار
نمـتـهـم الـــي العـلـيـا فــــروع قـبـايــل=مـاهــن لـفــاق مــــن حـظـيــر حــظــار
والله لــولاهــم فــــلا يــذكـــر الــوفـــا=ولا لـلـحـمـيــه بـالــعــبــاد مـــــــدار
شـهــد لـقـولـي يـــوم جــانــب شـيـخـهـم=وهـــم قـبــل غضـبـيـن عـلـيــه اجــهــار
مـشـوا مــن شـنـق شــط الـفــرات عـقـايـب=ســيــل غــشــا وادي رويــــل احــمـــار
مـشـي مــن يـمـيـن قـبــلا وانـهــل دوقـــه=عــجــل غــشــا روس الـجـبــال اغــبــار
تـلافــوا عـلــي الـحــزل الـقـديـم واقـبـلـوا=عـلــي اكـــوار حـيــل كـنـهــن امــهــار
عـلـي ايـسـر سكـاكـا لفـاهـم سـقــي الـوبــا=لـمــا ركـــب خـشــم الـطـعـوس وســــار
يـرعــد ويـبــرق والـغـضـب فـــي جـوانـبـه=شــــم ابـوسـلـطــان ســنـــاه ونـــــار
وخـــلا هـــل الـعـلـيـا وخــــلا حـلالـهــم=وخــــــلا خــيــامــه والاذواد يـــســـار
وخمـس ـمـيـه مـــــن لابـــــه وايـلــيــه=خــــلاه لـلـضـبـاع والـسـبــاع مـــــزار
وجـنــب عـــن امـــه والـعـيـال ووالــــده=وذا عــلــي مـثــلــه كـبــيــر وعـــــار
وخــــلا الـمـدافــع والـمـكـايـن وانــهــزم=هـــو وابـوتـايـه قـفــل عـقـلــه وطــــار
عــقــب الـمـكـالـخ والـخـطــوط وقـولـهــم=حـنــا ســبــاع صــــار ديــــك وخــــار
سـاعــه لـمــح بالـعـيـن غـلـبـا وشـافـهــم=بـــــدل بـنــيــات الـثــبــات فـــــرار
لابــــد مـن يــوم تـصــيــده شـبـولـهــم=لـــو اخـطــته مــــره تـصـيــده امــــرار
عـلـي راي ابومشـعـل مـعــدل صـغــا الـعــدا=شـيــخ يـهــدي مـــن عــــلاه اصــطــار
نـشــا بـشــب الـحــرب والـضــرب مـولــع=صـغـيــر ولا طــالــت عـلـيــه اشــبـــار
كـريــم السـجـايـا كـــل مـاحــاش طــولــه=تــزايـــد بـحــلــم وعــفـــه ووقـــــار
وربــيــط جــــاش بـالـمـلاقـى والــوغـــا=ضـحـي الـكـون مــن ضــرب الـفـوارس خــار
وهــو ضــارب الاخـطـار مــن دون مــا بـغــى=وهـــو مـــودع الـعـظـم الصـلـيـب اكـســار
وهــو مـقـدم الهيـجـا وهـــو قـطـبـه الـــذي=عـلــيــه دالــوبـــة رحـــــاه ايـــــدار
وهـــو عـظـيـم الـشــان والـجــاه والـثـنــا=وهـــو واحـــد الـدنـيــا بـغـيــر انــكــار
فياطـالـبـيـن الـحـكــم لاتـجـهـلـون بـــــه=رويـــدا تـــري قـضــب الـنجــوم اعــســار
تـمــت وصـلــي الله عـلــي سـيــد الــمــلا=عــدد مــن قـصــد بـيـتـه وحـــج وزار
المــوضوع قابـــل للزيـــاده من قبل الاعـــضاء
رحله مع قصائد الصعيليك والعوني
العرض العادي
