رمش الــغـلا تكتب جزيلات الامثال=بااللـي ملكنـي باالمحـبـه وداده
حبـيت لــي مـن جملة الناس رجـال=وحبـه ملكنـي باالمحبـه زيـاده
حبن نضيف ولابها عيـب ينقـال=وحب الشرف ماظن فيهـا نقـاده
عزالله انـي فـي تواصيفـه اهتـال=عذب المزاياء فيـه ثقـل وركـاده
وحبه تملكني على كـل ابوحـال=وقلبي من اجله عذبن فـي عنـاده
رجــل (ن) كريم ولـه بالاامجاد مدهال=له باللوفا منصب ومجـد وشهـاده
عزالله انه وافيـن بكـل الافعـال=حرن وشبحه للجزيـلات صـاده
ولاغاب عن عيني تجي ضيقة البال=وشوفـه يسلينـي وفيـه السعـاده
اغليه انا وحبي له جنـون وهبـال=واحب قربـه مارضيـت ابتعـاده
وعليه قلبي بين الاضـلاع يجتـال=ولجله عيوني ماهتنت فـي رقـاده
ايوالله ان الحـب يذبـح وغربـال=وانا من اللوعـات شفـت النكـاده
ياغاية المطلـوب ياطيـب الفـال=النفس تكـره عقبـك اليـوم زاده
والله فلا اسمع فيك ناصح وعـذال=بس اتركونـي خيـر والا قـراده
هومطلبي ماريد غيره مـن ازوال=وشوفه هوى نفسي وغاية مـراده
احب شوفه وارتجي منـه الامـال=صبري على وصله توصل نفـاده
ابنتضر لوان صبري معـه طـال=واصبرعلى ضيم الزمان بجـلاده
لجله ابيع الروح وادفع له امـوال=واكسب رضاه بقدرتـي وعتمـاده
[/quote]
الله يخليه الك فارس وخيال=ينوف في فعله زعيم السياده
هاذي حقيقه كلمت الحق تنقال=شوفه امل روحك وبعده قراده