اعذروني على قصور القصيدة
كتبتها على وجه السرعه قبل ساعه من الآن
:
لاجيت ِابي اكتب يرفض القاف طنيان= حتى القلم يخجل يخط القصيدة
يكفي وحنا نردده كان ماكان= نبي نتنومس بالعلوم الجديده
ربيعنا بعراق ذل(ن) وحقران= الغرب ِ حاك وصادنا بالمكيدة
احرارنا وسط السجن كيف تنهان= يما غدا من بينهم من فقيده
وربيع زايف وامحلت وسط نيسان=وارواح ضحت في سبيله شهيده
ودموعنا دم (ن) تهل فوق الاوجان= ضعنا وضيعنا الشجاع الوليده
من بعد ماكنا صناديد الأكوان= وشوفاتنا عند الكواكب بعيده
الشيمه تنضح مننا مثل الامزان= وفينا الحميا دوم يصرخ رعيده
واليوم صرنا اصنام في هيئة انسان=متنا وماتت ذكريات(ن)مجيده
وسلامتكم
بقلم الشمريه المجهوله
وهذا رد الشاعر القدير
الأخ الفاضل
عويد المغيليث
على قصيدتي وجدته في احد المنتديات
يابنت عمي مشكله والخلل بان=وتاريخ امتنا ضروري نعيده
الياصار بالحكام نشوف طغيان=نشعل فتيل الحرب تصبح وقيده
واللي رضا بالذل لاشك خسران=وشهي حياته كان عاش بنكيده
واحرارنا لابد يصبح لهن شان=واللي تموت تكون موتت شهيده
الذل ماترضاه ذربين الايمان=حتيش لو ان الخساير عديده
الارض سالت كلها اليوم دمان=وعسى تواليها اخبار سعيده
يابنت عمي صابني هم واحزان=ويزود همي كل مااقرا القصيده
لاشك ماعندي سوى رد قيفان=والرب وحده عالم في عبيده
لاجيت ابي اكتب يرفض القاف طنيان .. !!ورد الشاعر القدير عويد المغيليث
العرض العادي
