هات القلم واكتب بيوت مزيحه=امثال من جاشي قويات وانجاح
وقت اللزوم وباللوازم مريحه=ياعمت فيهن داخل الصعب طراح
لا مايجالجني خطاة الذبيحه=الطايح اللي مانفعه فوعة سلاح
ياصارت اليمنى اليمينه ربيحه=اعرف تر ابن رمال يانيش ذباح
بيت الوكود اللي تعذر مطيحه=قبلي عمره اللي على اعلامه سلاح
لاشك مايفهم خطاة المقيحه=يبحث يبي كنز للانساب طراح
وان قيل كنز انا قصيدي ربيحه=على الحقاقة وايمن الحق وضاح
مضمون هالمقيول نفوس صريحه=ماشاطت الغبطة على نفس نكاح
حذرا حذاري يالنفوس القبيحه=تمراج وجهان وانا وابن ذباح
سبق زمان قلتوا اسهل شريحه=لاشك ماحنا لهو كل شراح
من روس شمر بالسنين المجيحه=اسأل سلم عمي وينبيك كساح
وانا اليا جاوبت ناس نطيحه=دايم جوابي بين مطلق ونجاح
شرح الفهيم اللي فهومه صريحه=اللي ماهو دون السماحات فشاح
لاشك بلوى والعفافة رجيحه=يما غدا لنكن مع لنكين روجاح
اللي يطوبر في دماغه ضحيحه=ميه وواحد والثلاثين بكفاح
دام الحدود محددينه سميحه=وماهي عدايه لاكن الضد تمزاح
حنا نجاهد نفسنا ياللقيحه=والا انت تلغانا بتجميع الاكفاح
جتك العلوم القاطعات اللحيحه=من شان ماتصبح على القاع صباح
وش قال شايع يالواة القريحه=قريحتك جاها عقب قرن فصاح
هاذا يقيني والرجال الربيحه=تحافظ على عصمة وطاها ولا تشاح
واما اللذي تدعي وتدعي مديحه=هذيك يصلح له تسامي على ارباح
حكام حيكمات فيهم بريحه=الظاهر ان الوفق ماصار ميراح
على الوهن حيث الوهاين قبيحه=الغل فيهم بين غاير ومزاح
والله لو كانت شعرة طميحه=الا نجازيها على العمر اللي راح
(( مجرد قصيدة وقتيه ))
العرض العادي
