بمناسبة ذكرى وفاة امير القلوب حبيت انزل هذه القصيدة التي كتبتهاء
رثاء بفقيد الكويت والامة العربيه والاسلاميه الامير جابر الاحمد الصباح رحمه الله
خمســة عشـــر واحد بنشـرات الأخبار =الحـــزن عـــم النــاس هـــذا نـذ يـــره
قلت المصـــيبة قالـوا إن الحـدث صار =قلت الفجيــــعه و الخســــارة كبــــيره
مرحــوم يا للـــي حزّنــت بعـــده الـدار =ودســمان مظــلم بعــد ما مـات اميره
شــفت البــلد من عقـــب بلـــواه محتار =كل البــلد ما هـــو مجـــــرّد عشـــيره
الشــعب كلــه حـــزّن إصــغار وكبــار= وجميـــع رجّــالٍ نظيـــــفٍ ضمـــيره
وش لون ما نحــزن على الوالــد البار =يا ليـــت مــلك المــوت مختــار غيره
ما هــو إعتـــراض لما تجـريه الأقـدار =لكـــن بعــــد جـــابــر بقينــــا بحيــره
أبـو مبــارك للبـــلد درع و ســــــــتار =وعــز الأرامـــل والعجــوز الضريره
وعـز الضعيف ومكرم الضيف والجار =وحتــى عــدوه ما منــع عنــه خيـــره
وعســاه يـوم الحشـر في صف الابرار = إدعــوا معـــي يأهــل العقول البصيره
شـيخٍ ضـفى خيـره علــى كل الاقطار =خيـــره وصـــل للناس فـــي كل ديـره
وجميــع مســكين ٍ عليـــه الـزمـن جار =اليـا إستـــجـار أبــو مبــــارك يجيــره
وجميــع دولــة صــابها شــر وإعصار =جتــها معــونــات الكــويت الغــزيـره
طعـــام وإســعافات عن كل الأضـرار =كنّــه مـــوكـل بالشـــعوب الفقـــــيـره
ومعــه ولـي عهــده بزوغات الأبصار =ســعـد ولي عهــده عضـــيده شــويره
باللازمــه لكويتنـــا صــــاروا أســوار =ضــد المعــادي والوجيـــه الشــريـره
قـــادوا ســـفينتنـا بحـــــكمه وتـدبـــار =رغم العواصف والظـروف الخطـيره
ولــولا المرض ما يعتذر واف الأشبار =ســـعـد نــذر عمـــره لشــعبه ذخيــره
قال إســمحوا لي واتقــدم بالأعــــذار =يأهــل المكـــارم والـوجيــه الســـفيره
تشــاوروا واختــاروا خيـــار الاخيار =والأمـــر هــذا يا عســـى فيــه خيــره
كل الصـــباح إشــيوخنا نسل الأحـرار =من الف وســبع ميـه عقـولٍ بصــيره
لنــا العــوض عقبــه صـليبين الاشوار =أهــل المواقـف والســيوف الشـــطيره
أخــوان مريــم يا حصــل موقف حار= مـن عـقـــب جـابر يكملون المســـيره
بعـد إتفقتــوا يـــا طـويلــــين الأعمــار =صفـــى عليـــه الـراي ما فيــه غيــره
صــباح أبــو ناصر بالازمات صـــبار =ومنــاقبــه علــى العـــــروبه كثيــره
رجل الســياسه والتـــطور والإعمــار =علــى رقـي شــعبه عيـــونه ســـهيره
والشـــعب بايـــع حاكمه غيــر محتار =تصــويت بالإجمــاع ما فيــــه حيـره
بيعــت وفــا لأهــل الوفا سـر وجهار =ما هــي هتـــافات بقنــــاة الجــزيـره
وصــباح قـــارن بين وجهات الأنظار =وأختــار من بين الرجاــــــل الخبيره
نـواف أبـــو فيصـل لنا تــاج وشعار =حطـــه ولي عهــده عوينــــه نصيره
كل رضــي بالحــكم شـــيبان وصـغار =بالأولـــــه والثانيــــــة والأخــــــيره
عقيل سعود المنيس الشمري
ابو جماال