نغيمش بن حماد الغريري
ينطبق عليه المثل اللي يقول
(فلان يحط على الجرح ويبرى)
نجتمع عنده كل مساء
سافر هذه العطلة الى الشنان
وارسلت له هذه الرساله الجواليه
مريت حروة بابكم يابو سلطان= نسيت سفرتكم عساكم تعودون
يانغيمش الحماد ياطيّب الشان= ياكثر منهم عن غيابك يسالون
مابين جيرانٍ ومابين صدقان = ومابين شيبانٍ عليكم يحنون
والشيخ والمذن وحلقات الأحسان= وجماعة المسجداللي به يصلون
وعندي انا لو المحبة بميزان = اكثر بني آدم لكم مايعدلون
خليتنا مابين ديراب والعان = وبيت واهل لاشك تقول مسجون
ولو هي بكيفي واتخير بالأوطان = سكنت انا بالديرة اللي تخبرون
من الخوير0لياجبّه0لموقق0ليالشنان=احبها والحب راعيه مجنون
واحب سكانه كبارٍ وشبان = اللابة اللي بالمسير يحيون
حيي بعد حيي طليقين الأيمان = ياعلهم بأحلا حياةٍ يعيشون
واسلم وسلم لي على كل من كان =يودكم وانتم لشوفه تودون
ولا تطول الغيبه ترى الكل شفقان=يبون ابو سلطان عنده يتقهوون
...مريّت حروة بابكم...
العرض العادي
