قالت من انت ؟ وقلت واحد من الناس = عاش التعاسه بأنتظار السعاده
قالت من انت ؟ وقلت صادق وحسّاس = انظر لعز النفس مثل العباده
من علقم الايام علّيت بالكأس = واقول للنشّاد سكّر زياده
قلبي يتوق وقيد الايام حبّاس = وللمسكنه يصعب عليه انقياده
حرّمت قهوة دلة الشيخ جسّاس = مادام وجهه بالغاً به سواده
يطير من راسي على الطلع قرناس = يغريه من فوق السحاب انفراده
ان زارني من يمّة الجدي نسناس = تغيث قلبي نفحةً من براده
كم ابني احلامي على جثّة اليأس = وكم ازرع الورده بجنب الكداده
وكم تحضر همومي عن النوم حرّاس = وكم اتوسّل للسهر عن عناده
وكم اتلقّى طعن واقول لابأس = وكم اتظاهر بالغبا والبلاده
وكم اختصر عمري على نشوة الرأس = وكم ألعن الدنيا عساها الاباده
وكم ارسم الصوره عبث بين الاقواس = واكذب على نفسي وازيد الاشاده