هذه القصيدة بالاحتفالية الثانية لقبيلة شمر بالأيام الوطنية لدولة الكويت ومناسبة العام السابع لتولي صاحب السمو الأمير صباح الأحمد الجابر الصباح في عام 2013 وهي تدعو للم الشمل بين قبيلة شمر كافة لتكون لبنة ضمن بناء المجتمع الكويتي والله يبعدنا عن التفرقة والمفرقين أينما وجدوا
يا سلام الله عليكم وأثني بالسلام = من هجوس ٍ شاعريه وليلٍ ينسري
من دعاني جيت كلي و جاوبته شمام=العطيه ضيغميه وفكري شمّري
يا حضور الحفل هذا عزيزين المقام =ودي أبدا في كلامي على حسب نظري
ما حضرت أكرر المدح رغم انه وسام=وارثينه من هل السيف والبشت الزري
لكن ان الجيل هذا يبي زود إهتمام =نتحد في صف واحد وفكرٍ عبقري
كلنا في مركب العز نمشي للامام =ما تفرقنا كويتي سعودي وجزري
إن توافقنا على راي حققنا المرام =وان تخالفنا ستار الصداقه ينفري
ودي أذكر في كلامي قبل مسك الختام=جعل من يسعى لتفريق شمر لجدري
ما أخص إنسان لكن مفككت اللحام =ما تحب الجو يصفي وانا حظي بري
ومن سعى في جمع شمر حقيقه ما يلام = مثل عيد اللي بجهده يبيع ويشتري
عيد إبن سرّاي مشكور يالشهم الهمام = دايمٍ ثابت على الحق ولسانه جري
لأجل يجمعنا على خير ونقول الكلام = من كلام منتقينه وشعرٍ منبري
سلمنا دايم كريمين للناس الكرام=وخطنا لامن كتبناه واضح ينقري
يا بيوت الشعر ما فيه هالليله منام = لين أعبر وأخْبر اللي برايي ما دري
إن شمر تعلن الحفل في دار السلام = ديرةٍ فيها فقير العرب يصبح ثري
ديرةٍ لأخوان مريم مخضّبت الحسام = من دما العدوان بالحرب والعلم انقري
رايها بأمر أبو ناصر لها سبعة عوام =حكمها الدستوروالشرع يادار ابشري
أبشري بالعز و النصر يا ثار الكتام =كلنا في صف واحد قبيلي وحضري
كل فبراير نجدد ولانا بانتظام=يا سما شمس الحقيقة على الدارامطري
و أنشري بذل المفاخرعلى شرقٍ وشام=من كفوفٍ حاتميه على الكل أنشري
عادةٍ لأخوان مريم وشعب ما يضام=كلّهم في ساعة الجد درعٍ عسكري
كل شيٍ له مزادات ويباع ويسام=غير عز الدار ما هو يباع وينشري
وان حصل بعض الفقاعات في وسط الزحام = وردي يا نيّة الخير والا صدّري
نتفق باشيا كثيرة ولا فيه انتقام = ونختلف في قول كوره عزيز العنبري
لكن النيّه سليمه من الناس الحشام =اصبري لابناك ياكويت لابناك اصبري
البلا من يرسلونه خفافيش الظلام = ويتبنى ريق حالي وهو سمْ وشري
جالنا في ثوب صاحب وقلبه للعمام = قلت شكلك من بلدنا وجاوب همشري
تجتمع سود النوايا تحت بيض الخيام=شفت هذا في ضميري وشفته ببصري
وآخر المشوار معروف في مترين خام=والتفرق يكسر العظم والعود الطري
عقيل سعود المنيس الشمري
الثلاثاء تاريخ 5/2/2013
قصيدة بحفل شمر الوطني 5/2/2013
العرض العادي
