المرحوم الشيخ ماجد ابن عقاب العجل غني عن التعريف وانا من هذا الصرح العظيم اعزي العجل بفقيدهم والله يرحمه ويسكنه فسيح جناته
مبداي بعلام الليالي وغيبها= الــواحد اللـــى مـــا تعدد فضايله
يامـن لــه المضهود يشكـي كربته= وايــضا لــه المظلوم يرفــع وسايله
ومـن بعد ذكر الله سويت ماطـــرا= عـما يكــن الـــقلب قلنــا جزايله
نعيت اخو هيا واقولــه بالمثـل= لــو المثــل أدري قليــلٍ حصايــله
هزت مشاعــر خاطري يوم فجعته= ولجت مهاديـف الحشــا منــه جايـله
صنديد رجــلٍ بالمـواقف لــه ذرا= فــي كـــل هيــه طيبــاتٍ خصايله
مرحـــوم ياماجد والفين مثلـها= مرحــــوم يا رجــلٍ عفيفـه شمايله
الشعـر فيه الهزل والجـزل والـردي= ولاكـل مــن قاله وصــل فيــه نايله
مافــاد بن عدوان وغيره مـن الملا= كـــلٍ علــى مابــه تعبر مثــايله
لكــن ذي بالنفس وهبــه مقدره= بيد الـذي تشـهــدعظــايم دلايــله
ورفعت كفــي لسماء طالب العفو= من الــذي محـــي هشايـــم نثايله
يجــزاه بالجنـــه ويقبل دعوتي= يجعـل لـه الـفردوس مــن نـزايـله
ياغافـــر الزلات تغفــر زلتــه= طـــالبك يالوالـــي تخفــف ثقايـله
جميـــع مافوق الثرا يسكن الثرا= الباقــــي اللــه وكـــل نفسٍ زايله
وجعل الخلف باللي بقا من عصبته= نسل الزعيم اللي تعرفه قبايله
الكل منهم مابهم من قاصر = ابن عقاب الكل تعرف فعايله
واختامها مني صلاة علـــى النبي= عـد الهبــوب وعــد مـاسـال سايله
ورحم الله الفقيد ووفق الجميع لما يحبه ويرضاااااه
تقبلو تحيات اخوكم / بطيحان بن سعدون البطيحان السعدي