السلام عليكم ورحمه الله وعيدكم مبارك اعاده الله علينا وعليكم بالخيروالبركات
================================================== ==
دعوه كريمه تلقيتها من الشيخ احمد العاصي الفارس الجربا يوم الجمعه 11-8-1434 للمشاركه بامسيه يوم السبت 12-8 -1434
وقد كنت خارجا للتو من التنويم ولكن دعوه ابومشاري لاترد وكيف اردها وهو من قبيله شمر العزيزه
==================================================
القصيده الاولى بملك مملكه البحرين :
ياخشم شعري مالك اليوم مخراج=ولنته على ماقالو الناس مفكوك
اماتطير اليوم من فوق ميراج=والا تراك بواطي القاع مدكوك
شاعر واجيب العاج من مصدر العاج=واقدح من الهامه ولاانتظر دوك
وامدح شيوخ(ن)ذكرهم بالعرب راج=ولمدح من العربان ناقص وصعلوك
ودام الشعر بللي لبس بالفخر تاج=لازم يكون الشعر نادر ومحبوك
سلام يللي به دجى الليل ينباج=يالعاهل الزيزوم ياترثه ملوك
يبن الخليفه ياحمد يبن هداج=يبن الشيوخ اللي على العز ربوك
انته عضيد اللي ضعيفن ومحتاج=وانته سنيد اللي من الوقت متروك
عاهل على الطولات دايم بمعراج=وفي كوكب المريخ بتوزع صكوك
عاهل بذاتك موج واخلافك امواج=واللي نواك الشر بالشر مشروك
وطيت حوض الموت والقلب ماماج=وفصدت نمرودم ملغم ومشروك
حكمت لك دره بعرف(ن)ومنهاج=وتسعى لخدمتها لو الجسم منهوك
ومن شانها تبني وزارات وابراج=واوجدت من شانه مدافع وبازوك
ومن شانها ادبت من كان منعاج=ومن شانها بعض الخفافيش خانوك
لامن رضت يضحك لك القلب وحجاج=وكان زعلت يهتز بالبحر سنبوك
والمعذره يالابس العز والتاج=الوقت ضيق والمرض منه مربوك
================================================
القصيده الثانيه بامير الكويت:
ياراس شعري منته اليوم معذور=خلك معي وافي مثل منت وافي
واضبطلي الدانه قبل ياتي الدور=وخل المعاني كنها الموج ضافي
دامه ببوناصر فلانقبل الشور=اجيب لجله كل ماكان صافي
صباح باني بالفخر والظفر طور=ماهو بتوه من سنين عجافي
حافظ على العهد الموثق بدستور=وفعله مثل شمس الظهيره تشافي
حب الكويت بقلبه اليوم محفور=اخذ على نفسه عهد كود يافي
حتى غدت تحفه بها العلم والنور=وصارت لشعبه والخلايق مصافي
ومن فوق هاذا للصعيبات دكتور=وعدو شعبه جاه من ارتجافي
ويذرا غريبن من عنا الوقت مقهور=ويستر بطيبه حال من حل حافي
ويقصر شبر من كان تايه ومغرور=حتى يعرف ان السفن له مرافي
وختامها وقتي مقدر ومجبور=ملزوم اختم القول واصك قافي