السلام عليكم ورحمه الله وبركاته=
قصيده القيتها بريخ امام الشيخ اللي يحق =
لكل طيب ان يفتخر فيه ويشهد الله بعالي سماه انه =
يستحقها من غير حاجه والا امور الدنيا لابالله=
الا قدها واللي هقا به ماراح يضيع هقوته ابد=
باذن الله وهوالشيخ:عبدالله بن مبارك بن نجيفان الاسلمي=
وقلت فيها=
قال الذي لاقال تحتار الافكار=روابعه من شان عينه مطيعه
يقدح من الهامه نوادير الاشعار=ويبني على ايعه معاني بديعه
شاعر ولي عند المناعير مقدار=وهرج العدا بهل الندا مااطيعه
والاالردي ماهمني طافي النار=اسقيه من نار المعاني ضريعه
واليوم لابالله شفت الفلك دار=شفت الحرار تموت موته شنيعه
وكثرو منقلت الحكي يبن سمار=وكثرو شيوخ(ن) ماوراهم نفيعه
بهروجهم حازو على عز ماصار=مافيه منهم من رضا بالهزيعه
واحد يحدرها على حص محار=وهذاك سندها لقمه منيعه
مير البلا لاجات ساعات الاخطار=كل الهروج اللي نطقها يبيعه
ونا رايت الناس في كل الامصار=متخالفينن بالطبع والطبيعه
فيهم وجيهن كنها صبغه القار=لابالله الاالقار منه نفيعه
وفيهم وجيهن كنها الفجر لانار=يزيح ظلمه دامسه بالوسيعه
وفيهم عزيز(ن)لاوعد فيك مابار=وفيهم سراب(ن)يخدعك في لميعه
وفيهم وجيهن لالفى الضيف تنهار=ضيف الرحمان شوفه يريعه
وفيهم وجيهن حيلهم فوق شنكار=اطيب حلاله لجل ضيفه جضيعه
وفيهم بن نجيفان لاجار من جار=يفديك لاهمل ربيعن ربيعه
بيته مئسس فوق تلعات الاحجار=بيت الشرف تنبيك عنه الرضيعه
وينبيك من جاله من الناس محتار=الطيب بين والخلايق تذيعه
حرن مصدر من صواريم كنتار=ذيك الجبال النايفات الرفيعه
لاهد بفجوج(ن) بها ريح واغبار=تشوف صيداته بكفه صريعه
لابار غيره باللوازيم مابار=يبور لاشن عاشق(ن) للخديعه
ليت العمر ساعه يالاجواد ينعار=والا ربع ساعه لحاتم ابيعه
ودي يشوف الغيث لاصار مدرار=وسمه تناثر فوق حزمه وريعه
وهبت ذعاذيعه على وقت الاسحار=غربيتن ريح الخزاما تشيعه
كني اشوفه بعدها وافي الكار=يشكر لبومبارك عمله وصنيعه
وليت الكرم له بيعتن عند الاخيار=بايع بن نجيفان في كل بيعه
ولوفزعه المضيوم سمن ويندار=يشربه عبدالله ولاخاف ليعه
شيخن اذا نادى يجي ضلع سنجار=ومن قبلها تاتيه سلمى سريعه
وياتونه الاسلم على قب الامهار=بجيوش تحدثله خلل بالطبيعه
من لابتن لو مملكو غير دينار=يعطونه العاني بنفس(ن) قنيعه
شمر هل الطولات حزات الاعسار=اللي حوو طيب الخلايق جميعه
روس الرجال مخضبه حد بتار=روس الرجال اللي بقمه رفيعه
ان جيتهم بالطيب مسكن ونوار=والموت جالك لانويت الخديعه
والا فنا من ماكر(ن) ينجب احرار=ربعي بني وايل وجدي ربيعه
والنعم ياصل للحمايل والاخيار=وكل القبايل دون حده منيعه
وسلامتكم=
سعود الشملاني=
شيخن اذا نادى يجي ضلع سنجار*ومن قبلها تاتيه سلمى سريعه
العرض العادي
