لو الزمان اللي مضى يستَرَدي = اخترت صاحب ما يعرف الاكاذيب
فضحتني ياصاح وبيحت سدي = وش بك نسيت المرجله والمواجيب
اثرك عنيد ودايماً لي متحدي = وانا هقيتك تحفظ السد والغيب
وثقت بك حطيت يدٌك بيدي = وامليت لك خافي ضميري بترتيب
واصبحت بعلومي تجيب وتودي = فعلتك ياشين الحلايا ترى عيب
من سبتك خلطت هزلي بجدي = والهم خالجني غزى راسي الشيب
من كان مثلك واحدٍ مستبدي = ماقدّر الخوّة وكله عذاريب
ضاقت علي الأرض وصّلت حدي = ضنيت مثلك منبع الجود والطيب
واليوم ان شفتك غصب اطنش واصدي = طعنتني مافيه شك(ن) ولا ريب
من مدّ لك ايديه لازم تمدّي = احرص تعرف ربوّة اللاش والذيب
( احمد بن ناصر المحرج )
( عتاب صديق افشى سراً ) (8)
العرض العادي
