صبحكم الله بالخير
ابيات متواضعه اتمنى لها القبول
أرويت قاع الخفوق بطلتك..والضلوع = جاه الدفا..والجفا.؟ عيا يشب حطبه
أهب كانه بالهوى ظالم ودايم قطوع = كم فرحة ٍ ساقها حلو الزمان نهبه
إليا أنرسم لك طريقك مع خفوت الشموع = وقامت تجلا الطواري لاتعيد سببه
مافي شي ٍ يوقف درهمات الطبوع = ألا الغلا بين القلوب اللي قريبة شبه
يصير باس المحاني بالليالي بتوع = الحزن يمسي خلاوي والغرام قضبه
سحابة الشوق رفي بك وداع الدموع = ياكلمة ٍ حدّها دون الملام...عتبه
أخاف أنا أبدي بها وأنا عزيزٍ جزوع = وتلقا بها الذايره سبة صدود هدبه
لاشك صمتي دعاني خابر أني قنوع = والقلب أدنى ألتفاته بالهوى تسلبه
مار الليالي تبيّد بالشهر والسبوع = عزاه ياشطر ٍكتبته والزمان شطبه
بداية الشوق تجبر خافقك للرجوع = وألا الصبر بالجفا يبطي يرف شنبه