السلام عليكم جميعا
عذرا من الجميع سبب الأنقطاع عدم وجود الجديد
ولكن اطرح امامكم ما استجد
هي مشاركتي بحفل زواج الشيخ سعود بن وبران الكتفاء
سلام الله سلام الله سلامٍ يرضي الرحمن=على الحفل واهل الحفل وضيوفهم قبل ابتدي
وعلى النبي اليعربي سيد البشر ولد عدنان=ازكى صلاةٍ والسلام لسابع سماءٍ تصعدي
و بعــــده ابنقل كلمةٍ مرت على سمع الآذن=وبران يقول يامرحبا وهلا بكم0بعرس ولدي
وانا سطم ابن فهد ابن خليل من اليتمان=آقف هنا ولي شرف يأحفاد ابن حاتم عدي
حضرت البي دعوةٍ للشيخ سعود ابن وبران=واجب على مثلي يجي ليامن دعاه الأجودي
جينا نبارك للجميع لأبوه وله وللأخوان=وندعوا لهُ فيما دعى فيه النبي المرشدي
اللهم بارك لهم وبارك عليهم يامنان=واجمع مابين قلوبهم ياخير رب يعبدي
ياعيال عدي الحاتمي يأهل العدوة يأهل الشنان=يالابةٍ منذ القدم مأحدٍ ذكر فيكم ردي
الله يديم افراحكم ويمدكم بامن وامان=وراع الحسد عن شوفكم عسى عيونه ترمدي
وانا فخورٍ في حضور حفلة زواجٍ للكتفان=لان الكتفاء اسمٍ علم بين العرب مثل الجدي
اسمٍ ينومس لاذكر وبين السامي له مكان=اسمٍ هرم وماكر كرم وابن عدي وجهٍ ندي
ومن لابةٍ نفخر بهم اليوم وايضا من زمان=اهل اللحيسة محزمي وقت الشدايد مسندي
أهل امجادٍ ماضية والحاضرله شاهد عيان=كرم رحم فرسة وفاء فزعه باليوم الأسودي
واكبر دليلٍ للوفاء يشهد زمانه والمكان=وتشهد فعولٍ ماضيه وسود الليالي تشهدي
الجوف وحائل تعتزي وقت الشدايد باسفوان=راع السوداء ياسندي قال انا حاضر يابعدي
يأهل اللحيسة والجوار ياهل سبلا ياهل السنان=نبذه والا لوهي عدد يطول شرحي وعددي
الله يعز جموعكم ويديم جمعاكم بأمان=يامن بكم فخرٍ قديم و فخرٍ جديدٍ جددي
وياسعود ياطيرالسعد ياللي تصيد من السمان=يابن وبران اطلب عسى بأطيب حياةٍ تسعدي
المهرة اللي عندكم من مربط خيلٍ للصفران=من ساس عمير الضيغمي محفوظةٍ صلب وثدي
ادري تعرفون اصلها ولاهي لي بحاجة بيان=لكن انا من واجبي ادي الياقلت جهدي
وختامها على النبي اليعربي ابن عدنان=ازكي صلاةٍ والسلام لسابع سماءٍ تصعدي
سطم فهد الخليل
ياعيال عـدي الحاتمي ياهل العدوة ياهل الشنان
العرض العادي
