يمـل عـيـن للشـريـف محـمـد............دمعه تهلهل من شفـا الـراس حـادر خذينا الخيـل مـن العـلا لياشتهـن..........من البدو والحضر واللبس زين المصادر وجرينا السبايا من الطايـف والحـرم..........حلـنـا وحليـنـا بـديـار الـدواسـر وهزنـا بـن حميـد وعنـا تنحـي.............كـره ملاقانـا وسنـد النيـر نـايـر وخذينا بوادي النير والصقـور عزبـه..........صملان اهلهـا عقـب البـلال غايـر وجينا علـي بعـض القبايـل وادبحـوا...........وكفوا وعرفوا بـه حمـران النواظـر وغرنا علي طرش للسويطات بالحفـر...........وخلينـا الحـوض الملـيـا خـايـر وهزعنا بالمسير علي ديـار شمـر............مادبـر المولـي علـي العبـد صايـر ادلينا بالديره اللي اسمها باسم اهلهـا...........اكـرام اللحـا ايـام حـر المسـاعـر مناخنـا لعـبـده تسعـيـن ليـلـه............بالتلعـه الـلـي حصـاهـا جـفـادر اليامـا لفونـا زوبـع فـوق ضـمـر..........كبـن يـلاوي صرعهـن كـل نـادر مـن كـل صهـال وكـل اشـمـره..........سطيـرن ريغـان العجـاج الاجــادر وجتنـا الجحافـل مـن تالـع والحفـر.........تسمـع زغاريـت البنـاات الجواهـر اليـا وردوهـن كالغـروب الــورد.............وان صدرن كاللقـاح الصـوادر ونشـوف ضـرب سيوفهـم بظهورنـا............مثل حقوق المزن من فـوق ماطـر حلـوا بتاليـنـا وانـقـاد جمعـنـا..............وايدين بيص تقطعـن بحـد شاطـر صكـوا علينـا بسربتـيـن تـذودنـا............هـذا يـوردهـا وهــذاك صــادر صاحوا علينـا صيحتـن تنثـر الدمـا............وخذوا نـوادي الخيـل والعـج ثايـر خذوا نـوادي خيلنـا واكرشـوا بنـا............وحنا علي الطوعات والكـون عامـر الخيـل بالفرسـان قـامـت تـذودنـا............مـن دور العيـلات هـذاك عـاثـر صاحوا علينـا صيحـه ترمـل النسـا...........يشيـب المالـود وياجـي التـذاكـر علنـا عليهـم عيلت مـن خطانـا.............وانـا علـي مـاقـدر الله صـابـر وتجاولنا بالجمـوع باطـراف موقـق.............وصارت علينا مـن كبـار الكسايـر ونشوف جـدع الخيـل منـا ومنهـم..............هشيم طلـح جابـه السيـل حـادر ومعهم الصـبـي لاطــال عـمـره.............خلى عجاج الخيـل تعـدا الجوادر وقمنـا ننخـي كـل قـرم مـجـرب...........يالله ياقـادر عـلـي كــل قــادر ونخينـا بيـص ويـن ابـن عشيـه...........الياما هفا حـدر السيـوف الشواطـر قلت يابيص يابيـص انـح الخيـل عنـا.............يابيص يافرز الوغـي يابـو شاكـر وورد عليهـم بيـص واحمـر السمـا............وغدت اسروج الخيل مثـل البواخـر وتلقـاه اخو شـلـوى واعطـبـه............بشلفا تلظي بيـن الضلـوع شاطـر وتركنـا بيـص بـريـع المغـنـي.............تمـره القطعـان اليالفـت صــوادر اليا صدرت من جـو العويجـر تمـره...........ممشـاه ليلـه قـدرهـا بـالاقـادر ووردنـا الخليفـه تاركيـن اشيوخنـا............عياض وحوشان ومحتمي الخيل ناصر وخلينـا جبـار والزناتـي وعبـدالله.............غربـي بزاخـه لاسقتهـا الاقاطـر عفيه عزوتي وعفيه عيال عمي.............اركوا علي جبدي حاميـات المخاطـر تلفي لبني عمي هـل الجـود والسخـا..........اشـراف فـروع القبـايـل مـصـادر ان انشدوك عن حالنـا عطهـم الخبـر...........تـري حـلات العلـم ياتـي مـبـادر باسباب سرنا ثم غرنا وصارت كسيره...........والراس من كثـر الهواجيـس سـادر عـزالله انــي مانـويـت حربـهـم..............مـارالله اللـي قـدر الامـر قـادر وحلفت ماجي ديارهم عقب مامضـي.............كـود نتواجـه عنـد رب المـقـادر هـذا كــلام للشـريـف محـمـد...............يذكر فعولـن ماضيـن لـه بـوادر هـذا وصلينـا علـي سيـد البـشـر............اعـداد ماكبـر بــروس المنـايـر