بسم الله الرحمن الرحيم
الشاعر/ مشعل عسام التريباني الشمري
((شمركبار الصحون مطوعين العنيد))في 14\6\1435هـ
يافيض الافكارحضّرلي جزيل القصيد=حضّـرفـــرايدجزال الشعر وثقالها
اباكتب الشعروانخا مقحمين الضـــديد=شــــــمرهل الجــــــود والامجاد تزهالها
شـــــــمركبارالصحون مطوعين العنيد=شــــــــمرصناديل والطـــــولات ترقالها
شـــــــــمروساع الطعون ملينة كل حيد=ســــترالعذارى ليامـن طـــــــوحة شالها
تكفون تكفون ياللي تكســـــــبون الحميد=عاداتكم كل جـــــزله ســـــــهمكم طالها
انتم عضود الضعيف ومكسبه والرصيد=وانتم كـــــــفوف المكارم وانتم اموالها
وانتم مفاريص ماصـــــن يقطعن الحديد=وانتم دروع الجــــــبال الشــم وظلالها
تكفون فكو ســـــــــــجينٍ فيه حبلن جويد=عادات الابطال ترخص غالي اموالها
ياســــــــــــــــرولدنا ولاعنـّه مفر ومحيد=وانتم زحـــــول البلاوي وانتم جمالها
امه تجاوب حمام الورق فوق الجـــــريد=ترخـــي عيونه على الوجنات همالها
تكفون ياهل الصــــــخا منكم نريدالمزيد=طـــــــــــرايق المجد تبغا من تعنالها
ثوب المعـــزه مــــع الايام يبقا جــــــديد=وانتم ثياب المعــــــزه فيكم خصالها
وانتم حرارن من الجزلات دايم تصــــيد=تفــــــــــرس مخاليبها وتبيّن افعالها
تكفون لاتطفي الاضــــــــوى وتبقا خميد=ماتكســــب الجود نفسن تغلي ريالها
من يعتق النفس يســــلم من نهار الوعيد=يوم النفـوس المهينه تكـــــبراهوالها
والمدح مايدركه مـــــــن عاش مثل الفقيد=اللــــــــــــي كبار اللوازم ماتنخالها
شمركبار الصحون مطوعين الضديد مشاركه جديده عتق رقبه
العرض العادي
