طاغي ب شيطانك .. غرورك .. هقاويك
خلاص عفتك لا! وْ بي كره طرياك
،،
ياللي تبينا! .. هاذي الروح .. تدعيك
وياللي نبيك .. العين دارك .. وملفاك
،،
ياصدري اللي كن الاجرب سطا فيك
كمّد جروح الماضي اللي تبلاّك
،،
و اترك شعور الذل .. مابيك مابيك
واكتب على التاريخ واصعد للافلاك
،،،
و اخبر شياهين الورى من حكاويك
واستنطق الواقع: لِما ، ليه وش جاك
،،
حبك وطن ينسي همومي واشاكيك
واقول كل اللي حصل يوم فرقاك
،،
إي والله إن الوضع من دون تشكيك
و لا يشكك به سوى افاك شكّاك
،
المملكة .. في ظل حكم .. المماليك
اخوان نورة .... ملجمة كل أفاك
،،
و الدولة اللي يعترف به معاليك
يا شينها يوم الله اعماك و اصماك
،،
ياللي نويت الشر وابليس مفتيك
و المملكة ماهي ل الانجاس شرواك
،،
المملكة ماضي و حاضر بلاويك
رميتها في حضنها وااااه ماقساك
،،
حب القتل و الذبح و الهيك و الهيك
للي .. يعطّر فمّهم .. عود الارّاكـ
،،
دون الوطن زي الشهد يالصعاليك
واعذب من الرمان ياجاهل عداك
،،
ويا شيخنا قدها للامجاد .. نتليك
يالوالد القايد عسى الله يرعاك
،،
من ضامري ماتحوي ايّات تسليك
طرقٍ طرا بالخاطر و قلته و جاك
،،
دون الوطن شعبك يخيب هقاويك
ما هو محال .. إلاّ ورى حد الإدراك
،،
حنّ الوطن جاوب حنينه محاكيك
ودي احاكي هالوطن وآخذ امضاك
،،
يااغلى ترابٍ نرتمي في روابيك
وانك بلاد الخير و الروح تفداك
،،
ولانك دفأ حضنٍ رقد منّـك و فيك
يا حبني لاكلك و شربك و مرباك
وسلامتكم
صياماً مقبولاً و إفطار لذيذ و صحي