ناصر بن بجاد حي الاسم حيّه

بسم الله الرحمن الرحيم
الشاعر\ مشعل بن عسام التريباني الشمري
((ناصر بن بجاد))في 8\6\1435هـ

عند روس اسبيع تلقا المقدريّه =عــند روس اسـبيع طلقين اليماني
عند ناصر راعــي الكف النديّه=هـــــزبرن يرقا علـى راس البياني
يبذل الغالي لاجل راحت خويّه=يعشـــــق العليا ولايهوى الطماني
فرخ حرن من حرارن صيرميّه=فرخ حــرن من عريبين المجاني
من ســـــبيع اللي يردون الرعيّه=كل مـاركبو على بنت الحصاني
خصمهم ياردعلى حوض المنيّه=يجدعـــــــونه بالرهيفات السناني
من سبيع اهل الوفا واهل الحميّه=من ســـــــبيع اللي تقدركل عاني
من ســـبيع اهل الكفوف الحاتميّه=من ســـبيع اللي تزبّن كل جاني
ناصـــــــر بن بجاد مايوجد حليّه=غيرنجم ســهيل بالقطب اليماني
ناصربن بجاد حي الاســــم حيّه=نادرن شهمن همامن مرحباني
له جزيل الشـــــــكرمني والتحيّه=واْله تقديري وله زود امتناني

 

 

 

 

 

 

 

 

 

 

أبوعبدالرحمن
الحمدلله على السلامة،ومن طوَّل الغيبات جاب الجزيلات والغنآيم
صح لسانك ملاااايييين وبيض الله وجهك،والنعم فيك وفي ناصر بن بجاد السبيعي
لك التحيات والتقدير لاعــــــــــدمنا وجووودك.

 

 

 

 

 

 

 

 

 

 

هلا وغلا باخوي الغالي ابو طارق الشمري
صح بدنك وطول الله عمرك انا كنت مسافر من قبل العيد اول مهو لحائل وبعدين للكويت
ولاجيت الا البارحه على شان كذا انقطعت عن المواقع لكن ليش منتدى شمر قطرخرب ماتدري

 

 

 

 

 

 

 

 

 

 

المشاركة الأصلية كتبت بواسطة مشعل التريباني

هلا وغلا باخوي الغالي ابو طارق الشمري
صح بدنك وطول الله عمرك انا كنت مسافر من قبل العيد اول مهو لحائل وبعدين للكويت
ولاجيت الا البارحه على شان كذا انقطعت عن المواقع لكن ليش منتدى شمر قطرخرب ماتدري

هلابك أبوعبدالرحمن والحمدلله على السلامة
وبالنسبة للمنتدى لاأدري ماسبب المشكلة.

 

 

 

 

 

 

 

 

 

 

صح السانك... ياخلف ابوي