انا كل ماسجِّيت بالبر صدري ضاق=همومي من الهوجاس شاتت فؤادي شوت
تشوت الضماير كل ماشانت الاخلاق=كما شوتة الترباس للنار بالتاروت
على اللي يهيِّض عاشقٍ للهوا توَّاق=كواه الغرام اللي فتك في عقاب ونوت
غدا به هوا اللي خدَّها كنه البراق=عنودٍ خجولن كن فيها سحر هاروت
تذكَّر صلاة الصبح مع شقَّت الاشفاق=وعلى مامضى له جَرْ وَنِّه ومعها صوت
يجر الونين وساهرٍ للكرى ماذاق=طفش من حياةٍ يافهد مقتفيها موت
الشاعرعيد بن شده
أنا أحيآن يا عائض ليا دق بي هوجاس=أجاوب حمام الورق ياخوي واغني
ولا اسمع هل النمه ولا اقبل بسب الناس=رفيق الرفيق اللي يبا الطيِّبه مني
اجيد المعاني واعْرِف الماهر الغطاس=و أضد الخصيم اللي علومه يخصِّنِي
ليا ساقه الهاجوس والرأس فيه عْمَاس=حمسته بغيظه حمسة النار للبني
وعلى قد قافه سقتها له بكل قياس =جميع الجروح قصاص والسن بالسني
ولا اكرر المعنى ولا اشْحَذ من الأنجاس=ولا قلت أنا المرموق والفاهم الفني
ولي نظرتي والناس ما يقطعون الرأس=وأرَحِّب بقيفان المغنين لاجني
وصلاتي على اللي سنِّتِه كلها نبراس =وسلامي يِخِصْ المسلم الصادق السني
الشآعرعيد بن شدة
للهوا تواااق ـــ أجيد المعاني.!
العرض العادي
