بسم الله الرحمن الرحيم
الشاعر/ مشعل عسام التريباني الشمري
((يامسوي الفنجال صبه على حمود))في 12\11\1435هـ
اليوم شفت حمود بن طوعان مع الوجاهه ببيشه يقولون جاي بموتره ومعه العزبه
يقهوي الوجاهه من شمر بالفندق وكتبت هذه الابيات وهي قليله بحقه والله اني ماكتبته الامحبه لهذا الرجل
وانا مالي معرفه معه لكن اللي هو سواه ماينسي وغالي على كل شمرويستحق ان نفخر به
يامسوي الفنجال صبّه على حمـود=شـيخ الســخا راع اليمين الطلــيقه
عساه دايم دوم مـــن زود فـي زود=وعسا الســعاده دايمن فــي طريقه
شيخ العفات اللـــي برز كنه الطـود=اللــي خــذى بالطيب صك ووثيقه
نعمٍ بابن نايل ذرى كل مضــــــهود=زبن القصـــيروفارجن عنه ضيقه
اعفاعن ابن الجار في ســاعة الكود=ماحط فــــي دربه شــروطن تعيقه
اعفا لوجه الله بلاشـــــــرط وقـــيود=مــــاقــّدم الدنيا وزخــارف وبريقه
عسا اليا جايوم شاهد ومشهـــــــــود=يذريه ربــــي عـن لهايب حـــريقه
يســـــكن بجنات وبســــــاتبن وخدود=ويقطف ثمرغرس النعيم ورحـيقه
تجـــــرى له الانهاروازهــــاروورود=وتســـتقبله حــورالنعيم الرشـــيقه
في جنة الفردوس فـــــي ظل ممدود =وطلحٍ نضـيد وفوق فرشن رقيقه