السلام عليكم ... ابيات متواضعه اتمنى ان تحوز رضاكم واستحسانكم...
------------------------------------------------------
فـي مـدرج تحـط ومــن مــدرج تطـيـر = والـمـطــارات مـكـتـظــه بـركـابـهــا
بعد بيـر وغطـا صـارت غطـا بـدون بيـر = جـابـهـا كـيــف وداهــــا ولا جـابـهــا
من فتح بـاب شـر ومـن فتـح بـاب خيـر = ومـن فتـح بـاب نـاس ومـن قفـل بابهـا
بعد ماشفت مـن وضـع الزمـان الاخيـر = وأرض ماتخـفـي الـجـره مــن ترابـهـا
مايصيـر ويصـيـر وكــل حـاجـه تصـيـر = والـعــرب بـــان صـادقـهـا وكـذابـهــا
هينـه فــي عـيـون العـالـم المستـديـر = كلهـم لـكـن الشـرهـه عـلـى اقرابـهـا
لامتـى فزعـة المسلـم شهيـق وزفـيـر = ولامتـى مارضـي فيهـا ويـرضـى بـهـا
مـدري المشكلـه بالحـمـل ولا البعـيـر = سـلـعـه تـحــوش شـاريـهـا وجـلابـهـا
أتكـلـم وصمـتـي فــي خفـايـاه أسـيـر = لاجـــل مـانــم بالـعـالـم ولا اغتـابـهـا
وخيـر ياناشـدن عنهـا عسـى الامرغيـر = اسمـعـو قـصــة الابـيــات واسبـابـهـا
كنت اسولف واقول الشام وضعه خطير = واختـلـط مـلـح دمعتـهـا مــع العـابـهـا
وقال لي همي شياهـي وتبـن وشعيـر = وش لــي بمعـركـة يامكـثـر احـزابـهـا
وقلـت بيعـاز ياجنـدي استـعـد استـديـر = ثابـت امـتـد ريــش الـلـي تنـاشـا بـهـا
واكتشفت انه الفاهـم وانـا اللـي غريـر = وعـذر مايبـعـد الصفـحـه مــن كتابـهـا
باختصار اعكس المعكـوس يرجـع نظيـر = ومـن يحنـي كـفـوف ايـديـه حـنـا بـهـا
-------------------------------------------------------
الشاعر/ عبدالله القرعوطي البلوي ....( ثاقب النظره )