السلام عليكم ورحمة الله وبركاته .... ابيات من ذاكرتي اتمنى ان تحوز رضاكم واستحسانكم...
----------------------------------------------------------
((مزبووور الســــنآم))
من تجربه ماهي من اضغاث الحْـلام = من واقعي ماهي خيال من الحـدس
جرب حزامك واعرفه وش من حزام = أمـا اكتـرب فـي كـرب والا ينملـس
إليـا ارتخـى ياشينهـا وقـت الـزحـام = يوم الذراع تهوش مـن حامـي نفـس
وان كان ماكانت على الدنيـا السـلام = كانت سلام بوضـع مقلـوب انعكـس
وان كان صارت معـك ياعالـي مقـام = يفداك لاش(ن ) طاح من حاله نكـس
وسهيل ضـوه ماحْجبـه زود الظـلام = لـو كـان ليلـه مـن ظلامـه مندمـس
يـزداد ضــوه كــل مــازاد العـتـام = وتصبح نجوم الليل من دونـه حـرس
والفعـل ماهـو باللـسـان وبالـكـلام = البحـر مايـدري عنـه مـن ماغطـس
وانـا أعتبـر مذمـة الناقـص وســام = ويكبـر بعينـي كـل مبلـي بالخـرس
يـمـر عــام وربـعـه الكيـلـو جــرام = يكفيه عرف ان الحصـان امـه فـرس
ماني من اللـي رزقـه بطـق ولحـام = ولاني من اللي بالقفا مشيه دسـس
يااهل الحسد لاصار قبـل الالـف لام = صار الجدل حول الظمير اللي يحس
وكـان العلـوم علـوم زاجـل ياحمـام = مابعـد خمسـه واربعيـن الا جــرس
لامعاتـب ولا ملحـق الدعـوى مـلام = وشكواي للي محيـي العـود اليبـس
ومن ماغدى وسط البشر زاد وطعام = ان قـام تحتـه خـط واثنيـن ان جلـس
واختامها خصيت به نـاس( ن ) فهـام = عِرِّيـف منهـا نقتـبـس مــا تقتـبـس
من حاشها مـن بيـن زمـزم والمقـام = مايلتبـس لــو كــان غـيـره يلتـبـس
عن سبع في سبعة عدد صارت حيـام = ويامبعد الطاري براس اللـي حمـس
ماهـو طـلـق ﻻثــار بـشّـر باللـغـام = ولاهي نوايا دخول موسوعة جينس
وشْداد ماهو شْـداد مزبـور السنـام = فـي ذمتـي مامـن وراه الا الفـلـس
وصحيح هذا وقت عيشه فـي نظـام = اذا عطست اِحْمَد وشمِّت من عطس
------------------------------------------------------
الشاعر / عبدالله عوده القرعوطي البلوي .. ( ثاقب النظره )