الدنيا

بديت باسم اللي سقى الأرض ماها=نطلــب رضاه بكــــل صبــح وعشيّه
نسلـــى بها الدنيــا ونركض وراهـــا=وكـــل يــــوم تاخــذ منّنــــا صيرميـّـه
نطـــرد وراهــــا ونتجـــرّع غثـــاهـــا=وننســـى القيـــامــه والقبـر والمنيـّــه
نجهـــل تواليهــــا ونجهـــل فناهــا=ونجّمـــع ذنـــوب البشـــر والبريـّه
ولاغثنّــي ياكــــود من هو شراهـا=اللــي بجمــع المــال عينــه شقيـّـه
ونســـى صلاتـه شاقـيٍ في عناها=ويمكن نسى من كثرها صوت خيّــه
بلشـــان بالدنيـــا ويطلــب رضاها=ونســـى سلــوم جدودنــــا الاوليــّه
وعـلـــومـــــه اللـــي للـــــرذيلـه بناها=ويشــوف ناسه مابهـــــم شخص زيه
متكبـّــــر ويمشــــي علـــى مبتغاهــا=عايـــش هــوى بـــالـه وحاش الخطيّه
عينــه عماها وتــايهـ(ن) فــي عماها=عـــن الصــلاة وبــّر أمــّــه وبـيــّـه
عايــش بهـالدنيــا وناسي سماها=مايـــدري بيــوم(ن) تكبّـــل يديّـــه
لـو يدري بـيــومٍ يطيـح بحـشــاهـا=كــان انحنى لربــّه وهــاب الجزيـّـه
لكـن ابنصـح مـــن صلاتــه نساهـا=يتــوب قبــل المــوت يقبـــل مجـيــّـه
من هو بغى الجنّـه ويطلب سناها=يرفع دروبــــــه عن دروب الخطـيـّه
والخاتمه صلو عدد سيـــــل ماها=علـــى محمـــّد خصّــه الله نبيـّه

تيسير ابن صخيل

 

 

 

 

 

 

 

 

 

 

هلابك شآعرنا تيسير وصح لسآنك ملاااايييين وبيض الله وجهك
لك الشكر الجزيل على تواصلك وإبـــداعك
وآمل منك مراجعة بريد الرسائل الخآصة للأهمية
لاعـــــــدمنا وجووودك.

 

 

 

 

 

 

 

 

 

 

المشاركة الأصلية كتبت بواسطة ابو طارق الشمري

هلابك شآعرنا تيسير وصح لسآنك ملاااايييين وبيض الله وجهك
لك الشكر الجزيل على تواصلك وإبـــداعك
وآمل منك مراجعة بريد الرسائل الخآصة للأهمية
لاعـــــــدمنا وجووودك.

صح بدنك ياشهم وشاكر لك ثناءك وتتسيقك للنص

 

 

 

 

 

 

 

 

 

 

صح لسانك قصيدة رائعه

 

 

 

 

 

 

 

 

 

 

المشاركة الأصلية كتبت بواسطة فهد البادي

صح لسانك قصيدة رائعه

صح بدنك يافهد وتسلم ع ثناءك للنص دمت بود

 

 

 

 

 

 

 

 

 

 

صح لسانك