يا عيون اللي على المرقب العالي = الشيوخ بريشة اللوح داعينه
ارحميني لا تقولين يالغالي = ما بقى لي قلب يتبع شياطينه
اتركيني وامسحي رقم جوالي = حاولي تنسين شخصً تحبّينه
ادري انه جرح فرقاك قتّالي = مار وصلك صعب انا ويني و وينه
الليالي حطّمت صرح الآمالي = جرح قلبي طالبك لا تزيدينه
الظروف القاسيه كدّرت بالي = كل يوم اقول يوم امس يا زينه
كل ما اطلب مطلباً ما تهيّالي = حال سور الصين ما بيني وبينه
يوم اقول ان الهوى سكّراً حالي = ويوم اقول ان الهوى مرّ يا شينه
بين نار البعد وعتاب عذّالي = والزمان مولّماً لي سكاكينه
الهموم اسراب والقلب مدهالي = والظروف تنوّخ الرجل وتهينه
من تباريح الهوى شفت الاهوالي = واعتزلته يلعن الحب وسنينه
سنين الحب
العرض العادي
