في حضرة جنوني براسي عوى ذيب = وانا من اول خاطري عمس ماطاب
امسيت وهمومي بقلبي محاضيب = والارض تلبس من دجى الليل جلباب
واوجست مابين الضلوع المحاديب = فرخ الحمامه فز من لمحة عقاب
اقرا الرسايل في وجيه المغاضيب = واقول حتى الوقت غاضب يالاعراب
اهيم في وادي ضيوفه معازيب = وامشي وادوس الشجره اللي بها داب
انا هواي و رغبتي ديرة البيب = ما ردّته رفحا على شعبة انصاب
وان قلت لينه شفت رسم المواجيب = على صفاها ينقش المجد كتّاب
ذيك الفيافي والفجوج العباعيب = يطرب لها قلباً من الوقت مرتاب
داراً لأهلنا بالسنين الشلاهيب = عاشوا بها بالسيف عن ضيم الاجناب
ديرة البيب
العرض العادي
