...........اخوان ميثا..........

يوم الأربعاء ليله الخميس 29/4/1436هـ

احتفى الشيخ /عودة بن فهيد ابن رخيص

بمنزله الكائن بحي الندوة شرق الرياض

احتفى بالأمير الدكتور/تركي فيصل الرشيد



تشرفت بالقاء هذه القصيدة

يا تركي الفيصل الأشعار تنقاد=والموقف الحاضر يذكّر بماضيه
يا بن رشيد احداث الأيّام تنعاد=يعيدها اسم المعزب وطاريه
يعيد ذكرى بيت زيزوم الأولاد=بيتٍ لأبن رشيد ماحدٍ بناسيه
ابن رخيص ونازلٍ حد الأجراد=قال اقبلوا وانتم هل البيت ياهيه
بيتٍ علم. ياللي عن البيت نشّاد=من قول عبد الله وانا اليوم اجاريه
ماهو بلجل ياقال شاعر وقصاد=لاشك يوم اطريه لي مقصدٍ فيه
قصدي ابذكر ماحصل بين الأجواد=واللي حصل مابينهم نفتخر فيه
هذاك جاد وذاك له بالوفاء زاد=هذا يبي يأويه وهذا يجازيه
وتبادلو مابينهم فخر الأجداد=والكل منهم حق الأجواد يدّيه
ومفاخر الأجداد تبقى بالأحفاد=بولد الولد او واحدٍ من بنيخيه
واليوم حنا ببيت كسّاب الأمجاد=عودة.ابن رخيص ولنا الشرف فيه
والله.فلاجينا لجل لقمة الزاد=جيناه لجل اسمٍ نعزه ونغليه
وارجع واعيد وطيّب القول ينعاد=قال اقبلوا وانتم هل البيت ياهيه
واخوان ميثا طيبهم ماله عداد= هم مزبن اللي جاير الوقت حاديه
وجبّة سقاه من اول الوسم رعّاد= بيتٍ يابن رشيد ماحدٍ جهل فيه

سطم فهد الخليل




عذرا تجاهلت بعض الاملائيات تعمداً
[/quote]

 

 

 

 

 

 

 

 

 

 

ونعم بالجميع

وصح لسانك وانت ابيض وجه

 

 

 

 

 

 

 

 

 

 

ابو فهد

بيض الله وجهك على هذه القصيده الجزله الشامخه

وهذي الاصقاطات الاكثر من رائعه وهذا التوظيف الجميل

دائما انت مبدع في اشعارك واهدافك

صح السانك الــــف وخمس نجوم

لاعدمتك

 

 

 

 

 

 

 

 

 

 

ابو حارث المدعول

يستاهلون النعم وانت تستاهل التقدير

وصح بالك وطاب فالك وشكرا لمرورك

 

 

 

 

 

 

 

 

 

 

السكبه

احييك ابو فيصل واحيي مرورك

مرور عزيز من رجل عزيز يستحق الأحترام

وفقك الله وحفضك

 

 

 

 

 

 

 

 

 

 

صح الله لسانك .. والنعم بمن ذكرت ..

نظم رائع ..وطرح راقي



تحياتي لسموك

√

 

 

 

 

 

 

 

 

 

 

كل الشكرلك اخونا العزيز ابو فهد على هذا الطرح الراقي والرائع

لك من الشكر أجزله ومن الورد أعطـــره لك أرق واعطــر التحايا

دمت/ بحفظ الرحمن

 

 

 

 

 

 

 

 

 

 

منى العنزي

اشكرك على المرور والحضور

ولك جزيل الشكر

 

 

 

 

 

 

 

 

 

 

رعد الشمال

احييك واحيي مرورك الطيب

كل التقدير لك وشكرا

 

 

 

 

 

 

 

 

 

 

أبو فهد

صــــــــــــــــــــــــح السانك
ومعاني جميلة في موضوع جميل


تقبل احترامي