هلا ابو نواف
سمعت انه بعد حكم محمد مسك الهجلي وقال وين ضرسك اللي يوجعك
وشاله بالمقلاع
وبعده راح الهجلي لجدعان بن مهيد قالوا ابن شعلان واعتقد انه ابن مهيد
وقال هالبيتين
التـوم والغـرا وليـال الضحيـه=وأنا مسيم وساهر مـع نقاريـش
لا وهنـي جدعـان لا واهنـيـه=وعن النذر ما جيب زمله ولا حيش
ووصلت للمهاد
وازعلته عليه مره ثانيه
ورجع الهجلي. وقدر الله ومسكه ابن رشيد وحطه بالسجن ودخل عليه محمد وقال
(( هاه يالهجلي . يالضرطي . التوم والغراء وليال الضحيه
تحسبن مالحق عليك وانا اخو نوره
وعن النذر ماسيق زمله ولاحيش ))
وثمثل الهجلي بالابيات اللي ذكرت احضار قدام محمد
وعليها بعض التعديل والتوضيح
التوم والغراء وليالي قصير = وانا بسجنٍ صك بابه وانا فيه
ماهمني المعتزي والمعير(1) = ولاهمني المال لو كثر قاديه
ماهمني غير الوريع الصغير = ورعـــأ يتيم ولاله امٍ تربيه
يذكر ترك عمه يتلي سمير = يتل الليان ومن لقاء اللين يتليه
والتوضيح
المعتزي .. يقصد محمد الرشيد لانه اعتزى وقال وانا اخو نوره .. وليس المغتزي كما ذكرت
والمعير .. يقصد محمد نفسه لانه عيره وقال له يالضرطي
وبعدها اطلق سراحه واكرمه وهذا مانعرفه
والهجلي . كما ذكرت انت من المختار من الغفيله من سنجاره
وله قصص كثيره وقصائد طيبه وهو صاحب القصيده التي منها
انا غفيلي لا تنويت وليت
........ كلمة سفيها تقلعن من مكاني
وانا اعتبرها تعبير عن شعوره ويعكس شجاعته الادبيه وقوله لما يراه
في بندر الطلال
وليست شطحات او تدخلات كما سميتها ؟
شاعر من حقه يقول مايراه ومايحبه ؟
انت هنا في منتدانا قلت وخالفت الكثير وناقشت ونوقشت
فهل نقول لك انك تشطح او شطحات اذا خالفت او عبرت عن قناعتك
بالعكس