بسم الله الرحمن الرحيم
الشاعر \ مشعل عسام التريباني الشمري
(( من لاشرب في يمينه من زلال الغدير ))
( في 9\6\1436هـ )
من لاشـــرب فـــي يمينه من زلال الغدير =شـــــربه من ايدين غـــــيره مايغـــيّرظماه
ومن حط حبل التهاون فــوق ظـــهر البعير =يجيه شـــــــر البريّه مـــن يدين اصـــدقاه
والطــيب باهل الردى كحلن بعين الضــرير =وكحل العيون الضـــــــريره مايعالج عماه
اضرب على الصعب لاتاصلك كف الحـــقير =خلّك علــى ضدك اقســامن صميم الصفاه
خذيت حكمة كلامـــي مـــن كلامن شـــهير =مــــن شــــطر بيتن قديم وعالين مســتواه
قولو لعلي ابن صالح حان وقت المصـــــير =نبــــي نســــــــوق الزويدي لين نقلع مداه
العام جانا علـــــي صــــالح بنا يســـــــتجير =واليوم اشــوفه علينا قام يســـــحب عصاه
لاترفــع ايديك ياراع الـــذراع القصـــــــــير =الله خلــقنا خـــــزامـــن للــــعدى والطغاه
تكرم سروج الاصايل عن ظهور الحــــــمير =وتكـــرم يدين الاكابر عــــن يدين الحفاه
حنا حمات الوطــــــن ومـــــزبنين القصــير =نحما وطــــنا وجــار الدار نثنـــي وراه
وحنا نعـــــرف الدبا ياكل حــــــلال الفقـــير =ومن لاحما المزرعه جاه الجراد وكلاه
لكــــن عليك الله اكـــــبر كل مـــاطار طـــير =نمــوت مــوت الاعـزى والبلاد نحماه