قل للمليك اللي سكن دار رضوان

قل للمليك اللي سكن دار رضوان . شعبك من الدعوات ماهو بتاسيك

ياهاجسٍ بين السعادة والأحزان=بالله وصّل لي كلامٍ به اوصيك
قل للمليك اللي سكن دار رضوان=شعبك من الدعوات ماهو بناسيك
وقلّه عساك بدار روحٍ وريحان=والله على حسن النوايا يجازيك
وقلّه تطمن دارنا بأمن وآمان= المملكة في يد اخوك وبنيخيك
وكفّي دموع الحزن ياخير الأوطان=لاتحزنين الله يحفظك ويحميك
لا للحزن مادام بالحكم سلمان= استبشري مادام سلمان راعيك
حاكم حكيم ومن سلايل كحيلان= ومجربٍ سلمان مافيه تشكيك
قاسي على القاسي وليّن لمن لان=يعمل على مثل نظام التوماتيك
له قلب به شدّه وقلبٍ به احسان= وكفٍّ به الأجرب وكفٍّ به الشيك
حكمه على شعبك كما وبل هتان=بسلمان يالشعب السعودي اهنيك
مليكنا سلمان ياذرب الأيمان=شعبك يابو فهد يحبك ويغليك
الشعب غنّا فيك زينات الألحان=ياسيدي اسمع مواويلهم فيك
قالوا بعال الصوت يعيش سلمان=تعيش ياسلمان وعاشو جناحيك
عاش الملك ونعيش حنا له اعوان= وعش ياوطن بالروح والدم نفديك

سطم فهد الخليل

 

 

 

 

 

 

 

 

 

 

سطم فهد الخليل

احسنت وبيض الله وجهك على هذه القصيده الطيبه

ونعم مثل ماتفضلت كل الشعب يدعو للملك عبدالله الله يرحمه

ويسكنه فسيح جناته وخير خلف لخير سلف هو ملكنا سلمان الله

يطول عمره ويوفقه بتوفيقه ويهيء له البطانه الصالحه

صح السانك الـــــف

لاعدمتك

 

 

 

 

 

 

 

 

 

 

سطم فهد الخليل

صح السانك على البيات الجزله بارك الله فيك اشكرك على كلماتك الشعريه

الجميلة وأحاسيسك المرهفة وعلى صدق مشاعرك وجمال روحك اشكرك على

اخلاصك وطيبه قلبك التي اجدها نادره في زمننا لك منى فائق الاحترام والتقد

ير

 

 

 

 

 

 

 

 

 

 

حي الله اخونا الفاضل

سطم الفهد الخليل

صح لسانك مليااار وتكرار


على القصيدة الجزله

ورحم الله الملك عبدالله بن عبدالعزيز آل سعود

وأسكنه فسيح جناته

تقبل مروري المتواضع

 

 

 

 

 

 

 

 

 

 

السكبه .... رعد الشمال .... الشمريه المجهوله


اسعدني مروركم الجزل يالجزلين اقدر حضوركم اعتز بعباراتكم


لكم من الشكر اجزله ومن الورد اجمله