[... الرجـــال الحلاحيــل ....]

[.... الرجـــال الحلاحيــل ....]

_______________________
(_______________________)


الذيب مايسري عبث تالي الليل
واهل الشجاعه لا سروا يشبهونه

اهل الشهامه فعلهم عدل المــيل
درب المراجل كلهـم يسلكونـــه

عند اللوازم و الشدايد حلاحيل
تاريخهم بالمجد هم يصنعونه

في قربهم تنزاح كل البهاذيل
خويهم محشـوم ما يجرحونه

والخـوه اللي ما وراها محاصيل
غير النكد وهــمومها والمهونه

اترك قرايبها وكب الغرابيل
وعاشر صديقً ماتزحزح متونه

اللي بطيبه فاق عن باقي الجيل
وبحكمته كل النشاما يجونه

في مجلسه تلقى الرجال المداهيل
واهل السخى والطيب مايتركونه

يامحلا المجلس وصف المعاميل
وسوالفً لأهل الفـخر يسمعونه

يا صـاحبي ليت الليال المقابيل
تجمع قلوبً ماستراحت ظنونـه

الشوق فيها زائداً كنّـه السيل
تبي لقاء الغالين واللي يبونه

تبي تقضّـي وقتها بالتعاليل
وتنسى همومً لوتسلت يجونه

طول المسافه ضيّعت للمواصيل
والهم يسكنها ويملى ركونه

يارب وفقنا دروب التسـاهيل
وأرحمً خفوقً عادته ماتخونه


_________________________


وســــــلامـــتــكـــم ،،،،

 

 

 

 

 

 

 

 

 

 

شاعرنا القدير خلف راضى

الف شكر لك على الروعة وجمال الانتقاء والبيات الرائعه وبما تحمله

من معانى عن الرجوله وعن الرجال الحلاحيل سلمت يداك على طرحك

الاكثر من رائع و الله يعطيك الف عافيه وفي انتظار جديدك دمتم بسعاده

 

 

 

 

 

 

 

 

 

 

صح لسااانك اخي خلف
قصيدة رااائعة
وتسلم ع الطرح الجزل
لا هنت :)

 

 

 

 

 

 

 

 

 

 

خلف راضي النماصي


صح السانك الــــــــــــف على هذه القصيده الجميله

وخمس نجووووم

لاعدمتك

 

 

 

 

 

 

 

 

 

 

صحت ابدانكم جميعا" ..
وعافكم الله ..
واسعدكم دائما"

والف شكر لكم
للحضور
والتعليق ..
والاعجاب ..

 

 

 

 

 

 

 

 

 

 

حي الله شاعرنا الفاضل

خلف الراضي


صح الله لسانك وعتلا شانك


قصيدة طيبة


من

 

 

 

 

 

 

 

 

 

 

والخـوه اللي ما وراها محاصيل =غير النكد وهــمومها والمهونه
اترك قرايبها وكب الغرابيل=وعاشر صديقٍ ماتزحزح متونه
اللي بطيبه فاق عن باقي الجيل=وبحكمته كل النشاما يجونه

حكيم يابوســــــــآمي
تســـــلم وصح لسآنك ملاااايييين ولله درك
دمت متألقاً ولاعــــــــــدمنا وجووودك.

 

 

 

 

 

 

 

 

 

 

الشمـــــريه المجهوله
و أبو طارق الشـمري


صحت ابدانكم " ..
وعافكم الله ..
واسعدكم دائما"

والف شكر لكم
شعرائنا الكرام ..