يقال انه صار نقاش في مجلس احد حكام ال رشيد واختلف الامير مع ناس عنده على معنى اسم؟ ناس يقولون هذا اسم رجل والامير قال هذا اسم بنت ؟
فقال احد الحاضرين ان فلان له جار وله بنت بنفس الاسم اللي يقول الأمير ،
فكان فلان قريب ولكن انه ليس في المجلس ، فقال الأمير خلوه يجي فراحوا وجابوه ووقف امام الأمير فقال له الأمير وش اسم بنت جارك فقال لااعرفها !
فسكت الأمير وخرج الرجل من المجلس وقد اعترضوه ناس وقالوا له كيف الأمير يسئلك عن اسم بنت جارك وتقول لااعرفها وانت تعرفها ،
فقال لهم نعم اعرفها من يوم امها تجيبها !! ولكن ابت نفسي ان اذكر اسم بنت جاري امام الناس في مجلس بن رشيد !!!!!!
ويقولون ان فيه احد رجال السبهان قد اعجب بشهامة هذا الشخص وسأل عن احواله فقالوا له انه فقير واحواله سيئة جدأ،
فكان لابن سبهان جار مؤذي ومزعج ولايلتزم في أدب الجيرة وكان بن سبهان متضايق منه ولكن انه متردد يقول له شيء لانه جار له،
فذهب عنده وقال له ابي اشتري بيتك ،فرفض ولكن ابن سبهان قام يزيد له في القيمة حتى اغراه في المبلغ فوافق ان يبيعه البيت فاشتراه بن سبهان وارسل على الشخص الذي رفض يذكر اسم بنت جاره في المجلس عند بن رشيد واعطاه البيت وجعله جار له بدل جاره المؤذي،
هذه قصة سمعتها من شخص في احد المجالس وانا نقلتها حرفيا وعلى ذمة الراوي ،
فقد اعجبتني فقلت معلقا عليها شعرا ،
هــذه شهــامة نادره بالــرجــاجيل 00 مــايدركــه ياكـــود رجال نادر
ناس ٍ كثيرة تركب الجيش والخيل 00 لكن قـليلــه بالشهامــة تبادر
ناسٍ بشوفاته تعدت وراء سهيل 00 وناس ٍ بشوفاته كما السيل حادر
قصة سمعته في مجالس تعاليل 0 0 وانا كتبته حسب قول المصادر
ـــــ
شعر : نهار الوبير ( الصريح هناء والصريح الأول يديوانية شمر )
شمري يرفض يذكر اسم بنت جاره وابن سبهان يكافيه بيتأ!
العرض العادي
