العلم جاكم / بقلمي
اليوم انا ابجيب للكل موضوع=يهمَّنا ياناس في كل الاوقات
صوتي رفعته بس ماهو بمسموع=وياكثر منهو غيرنا يرفع اصوات
وموضوعنا جاكم على الكمِّ والنوع=احاول اركِّز على الوضع بالذات
القار من نوع الجرانيف مصنوع=وحطُّوه بالمصنع على النار ساعات
ومن الحراره صار بالحال مميوع=وصبُّوه بالشارع على شكل دفعات
وزانت شوارعنا مع النور مسطوع=اكثر شوارعنا بها انوار غازات
لكن يجيك اللي بدا فيه مشروع=وركن على الطريق كل المعدات
وقبل البدايه كامل الدفع مدفوع=مايعترف بالبنك وتوقيع شيكات
وعلى الشوارع حط لوحات ممنوع=نآسف على الإزعاج تمديد ليَّات
حتى مشروع الرَّي احيان مقطوع=وقمنا نعبِّي من جميع المحطَّات
ورفع معداته على دور الأسبوع=واسبوع ثاني ننتظر رصف صبَّات
وقلنا انتهينا من تماديد وارقوع=كود الشوارع تزدهر بالممرَّات
وجانا المرور وحط نزلات واطلوع=ونصب على الطريق بعض المطبَّات
قال السبب بعض السواقين مصدوع=قلنا صحيح الناس فيهم عواجات
وانتم دوى للي من الناس ملكوع=لكن حنا ياما شكينا معانات
كم مرَّةٍ الجيب بالجو مشلوع=وتقطَّمت الأذرعه والمقصَّات
مطبَّكم مافيه تنبيه مشموع=كم اشتكينا وقلتم لنا سلامات
وتم الموضوع اللي به العلم مجموع=العلم جاكم وانتهاء نظم الأبيات
الشاعر / نايف الشويب السليمى