نصف القمر / بقلمي
هذه القصيدة الى / ابو تركي تراحيب ابراهيم
الروقي العتيبي / رئيس مركز تنوره :
قم يانديبي دوك خطٍ امظرَّف=ماابيك تنشدني عن الظرف وش فيه
واركب على جيبٍ جديدٍ اموقَّف=تو الخواجه من حفيزه امسويه
الجيب من كل النواحي امكلَّف=والبعد لايهمك ترى الجيب يطويه
بس انتبه لاصار من سرعته خف=عينك على الَّلفات لاجيت تزويه
حرِّك من بريده على وجهت الضَّف=نصف القمر خله على ايسرك شاطيه
ولاجيت تنُّوره نديبي تشوَّف=للمركز اللي فيه يحيِّيك راعيه
ابيك تنصى العندليب المثقَّف=رجلٍ على درب الشجاعه مماشيه
من روس قومٍ تفعل الطيب والعرف=لاقام الروقي ورَّدك منبع التيه
لاجيت ابو تركي راع الطيب وقِّف=وسلم على خشمه وراسه وعينيه
سلم عليه وفي حديثك تلطَّف=ومد اليمين وسلِّم الظرف بيديه
وقله ترى نايف على حافَّة الجرف=يشكي عليكم قاسي الوقت حاديه
وانت الذي بالجود رجلٍ اموصَّف=هدَّاج تيما ظامي الكبد يرويه
وسلامتك وانا على دربي انكف=والحر مايحتاج منهو يوصيه
وصلاة ربي عد مالبارق يرف=على نبيٍ رب الارباب مهديه
الشاعر / نايف الشويب السليمي