ما نبي سالفة دين..

مانبي سالفة دين

تكفون يكفي مانبي سالفة دين =خلاص يكفي.. محاضرات وخلافه..
صرنا بشوفات الخلايق كريهين =وحنا نتصنع.. أي مبدأ شفافه..
نبي نعيش احرار بكل الميادين =من بعد ماصرنا.. على الخلق آفه
حنا سبقنا الكون والناس دارين =لفتح الفتوح.. ونشر أرقى ثقافه..
وحنا تشرفنا بختام النبيين =وتطبعت فينا.. مباديء مخافه..
اللي انتهج مبدأ فعال الشياطين =وينه عن اخلاق.. الأدب واللطافه..
ناس تنادي بمبدأ الشرع واللين =وناسن تنادي.. بالامور التوافه..
الدين واضح دون بحث البراهين =كلن يعرف.. فروق حق وخرافه..
الله يثبتناعلى الحق والدين =ويفكنا من الأبلسة.. وإنحرافه

.

نائف الجماح حائل 1436هـ 2015م

 

 

 

 

 

 

 

 

 

 

نائف الجماح


صح السانك الـــــــــــف على هذه القصيده المعبره

واهلا ومرحبا فيك

خمس نجوووم وتثبيت

لاعدمتك

 

 

 

 

 

 

 

 

 

 

نائف الجماح
صـــح الســـانك

اقتباس

الدين واضح دون بحث وبراهين ؟

* تعليق

الدين واضح للعقول الفطينين 00افكارهم مابه مؤاد مضافه ؟

اقتباس
كلن يعرف فروق حق وخرافه؟

* تعليق

لو كل واحد يعرف الشين والزين 00 ماصار بين الناس عقل وسخافه :

تقبل تحياتي

 

 

 

 

 

 

 

 

 

 

المشاركة الأصلية كتبت بواسطة نائف الجماح

مانبي سالفة دين
=========

تكفون يكفي
مانبي سالفة دين
خلاص يكفي.. محاضرات وخلافه..

صرنا بشوفات
الخلايق كريهين
وحنا نتصنع.. أي مبدأ شفافه..

نبي نعيش احرار
بكل الميادين
من بعد ماصرنا.. على الخلق آفه

حنا سبقنا الكون
والناس دارين
لفتح الفتوح.. ونشر أرقى ثقافه..

وحنا تشرفنا
بختام النبيين
وتطبعت فينا.. مباديء مخافه..

اللي انتهج مبدأ
فعال الشياطين
وينه عن اخلاق.. الأدب واللطافه..

ناس تنادي بمبدأ
الشرع واللين
وناسن تنادي.. بالامور التوافه..

الدين واضح
دون بحث البراهين
كلن يعرف.. فروق حق وخرافه..

الله يثبتنا
على الحق والدين
ويفكنا من الأبلسة.. وإنحرافه..


نائف الجماح
حائل 1436هـ 2015م

يامرحبا بك ياسميي ملايين=ياعاسفٍ جزل القوافي اعسافه
انا اشهد انك جبتها بين قوسين=جليِّةٍ عبر الفضاء والصحافه
عطيتنا عن القصايد عناوين=ويوم ازهر البستان تم اقتطافه
هذا الشعر لو هو من الكم بيتين=والا الكثير من القصايد حسافه
وياكثر ناسٍ للقصايد وفيين=وياكثر من منهو جزل الاشاعر عافه
اقولها من خاطرٍ سامحٍ زين=مايوم جزل الشعر روَّح وطافه
وتسلم على ماقلت يابن الجماحين=والحر يفهم والزرافه زرافه

 

 

 

 

 

 

 

 

 

 

صح السان الشاعر نايف الجماح على البيات بارك الله فيك

 

 

 

 

 

 

 

 

 

 

الدين واضـح دون بحـث البراهيـن كلن يعرف.. فروق حق وخرافـه..





الله الله صح الله لسانكك واعلا ربي شانك
قصيدة رائعة وابيات قمةة ابدعت فيما نظمت




تحياتي لسسموك

√